U LES ANGLAIS DANS LE BERRY

son roialme lettres et mandemens. Les uns prioit et les aultres commandoit qu'il fussent incontinent ces lettres veues , dedens quinze jours, en le chité de Chartres ou là environ ; car il volloit aller contre les Englès, Dont s'esmurent de grant vollentë tous gentils hommes du royalme de Franche , qui désiroient à combatre les Englès , et prirent au plus droit le chemin de Chartres, ensy que segnetiet leur estoit.

Le roy de Franche qui tenus s'estoit à Roem, se party atout grant foison de gens d'armes et s'en vint à Chartres, Assés tos après y vinrent sy quatre fils, dont on faisoit grant conte , monseigneur Charles, duc de Normendie et doffin de Vianne , monsigneur Lois, qui depuis fu duc d'Ango(lorss'apelloitconte de Poitiers, d'Ango etduMaine), monsigneur Jehan, le tierc fils, qui depuis fut duc de Berry, et lors s'apelloit conte de Touraine, et monsigneur Phelippes le maisné , qui puis fut duc de Bourgogne ; mais encore pour le tamps de lors le roy son père ne luy avoit point désigné de terre. Sy commenchèrent à venir devers le roy gens d'armes à tous lés de toutes les mètes du royal me de France.

Or parlerons du prinche de Galles comment il persévéra.

Tant esploita le prinche de Galles et ses gens qu'il vinrent devant la chité de Bourghes en Berry, où le archevesque dou lieu et aultres chevaliers estoient en garnison. Sy l'aprochèrent les Englès de sy près que il y livrèrent fort assault et dur à l'une des portes , mais peu y conquirent. Sy s'en partirent sans riens faire , tant que il ardirent tous les fourbours et le pays d'environ où il trouvèrent grant pillaige. Sy chevauchèrent devers Vierson en Berry , une bonne chité et chastiel , et fu prise de force ,

PKISE DE KUMUKAMTIN.

et tout exilliet , mais le castiel n'eult garde. Sy s'en partirent les dis Englès , quant il se furent là rafreschy. Sy prirent le chemin de Tourraine.

A che dont estoient en Berry envoiet de par le roy de Franche trois grans barons d'Ango et de Tourainne , prumièrement le sires de Craan, le sire de Caumont et messire Boucicault, atout IIP lanches de Franche. Chil avoient costyet les Englès jà par six jours et euissent voUentiet veu que il leur peuissent avoir porté damaige. Or avint que assés près d'une bonne ville et d'un biel castiel séant sur les marches de Berry et de Tourainne , que on appelle Rommorentin , chil seigneurs de Franche et leurs gens se mirent en esbuque sur ung pas et ung destroit où il convenoit l'avangarde du prinche passer , laquelle menoient messir^ Biertemieus de Brduhes , le sire de le Ware , le sire de Basset , le sire de Muchident , messire Petiton de Courton , le sire de Lestrade et aultres bons chevaliers, et estoient bien parmi les archiers V combatans. Sy s'enbatirent soudainement sur celle embusque, et ne s'en donnèrent garde , sy furent tout dedens. Là eult ung grant hustin et dur, et pluiseurs des uns et des aultres à che commenchement rués par terre. Finablement, les Englès se portèrent sy bien , qui estoient grant foison , que li Franchois ne les peurent souffrir, mais les convint fuir, et en y eult grant p lente de mors sur le plache et pris en chache , et encore en y eult eu plus de mors et de pris, se il n'euissent trouvé si à point le castiel de Rommorentin; car là se boutèrent ly fuyant, et y furent recueilliet , et par espécial les trois capitaines des aultres.

Nouvelles vinrent au prinche et à le grant ost que leur avangarde avoit eut à faire as Franchois et les avoient

Ô4â PRISE DE ROMORAMIN.

reboutës jusques au castiel de Romorentin. Dont se hasta le prinche et fist haster ses gens, et dist qu'il n'avoient riens fait, se il ne prendoient le castiel et les chevaliers • ' 1 de dedens. Sy s'esploitèrent à chelle heure tellement que il vinrent tout devant Roumorentin, et prirent le ville et s'y logèrent, et puis environnèrent le castiel et l'asallirent vigoureusement ; et chil de dedens se delFendirent vaillaument. Che prumier jour, les Englès ne firent riens , et retournèrent chil qui assally avoient, en leur logis tout lassés. A l'endemain se remirent tout à l'assault, et y vint proprement le prinche pour mieulx esploitier, et là eult grant assault et dur et bien continué ; car les defFendant estoient bon chevalier et vaillant gens. En cel assault y eult ochis ung escuier gascons que le prinche amoit bien, qui s'apelloit Raimons de Zodulach. Dont jura le prinche que jamais ne partiroit de là, sy aroit prins le castiel et cheulx de dedens, dont furent Englès plus aigre d'assallir que devant ; mais che second jour il n'i firent riens, et retournèrent tous courouchiés à leurs logis. A l'endemain, sy matin qu'il se peurent lever, il s'en alèrent tout à l'asault, et là eult grant escarmuche et dure, et entroient Englès et Gascons ens es fossés, leur targe sur leur teste, et passoient oultre et venoient au piet des tours et traioient contremontety faisoient pluiseurs grans appertises d'armes. Ly chevaliers .qui dedens estoient et leurs gens jettoient pierres et cault en pos, et se defFendoient de bon argut. Là eult derechief en chel assault ochis du get d'une pierre assés près du prinche ung jovène escuier de Gascongne , frère maisné au signeur de Labreth, qui s'apelloit Béraud de Labreth. Pour l'amour de cheluy furent Gascons et Englès courchiés, et par espécial le prinche, et dist adont par grant aïr : « Et comment nous tenra avant mais chils « castiaus, et [verrons-nous] affoler ensy nos gens ? Il le

LE ROI JE.iK PASSE LA LOIRE. 545

« VOUS fault avoir, comment qu'il soit. » Lors avisèrent aulcun chevalier qui là estoient , qu'il ne le povoient avoir, ne conquerre, fors que par feu. Sy demandèrent du feu, et fut trait ens es couverture des chaingles des tours qui estoient couvertes d'estrain , et tantost le feu s'y prist et se leva contremont et se lança des tois ens es couvertures des tours. Dont se commenchèrent les chevaliers qui dedens estoient, à esbahir, et veirent bien que tenir ne se povoient et que mieulx leur valloit à yaulx rendre , que il fuissent là dedens perdus. Sy se tirèrent avant et firent signe que il voUoient parler. Le prinche y envoia le conte de Wervich et monsigneur Renault de Gobehem. Chil reportèrent au prinche que il se voUoient rendre. Le prinche fut sy bien conseilliés qu'il les prist à merchy et tous chiaulx qui dedens estoient, et fut leur tout che que trouver y peurent, [et y otj grant foison de pillaige ; car cil du pais d'environ y avoient aporté tout leur meubles sur le confort de la fortresse. Ensy eult le prinche de Galles le castiel de Roumorentin^et les trois chevaliers dessus nommés, et puis chevauchèrent oultre eu Tourainne.

Les nouvelles vinrent au roy de Franche qui encore se tenoit à Chartres, que sy trois chevaliers estoient pris et le castiel de Roumorentin, Sy en fu le roy moult courouchiés, mais amender ne le peult, et pour che qu'il entendy que les Englès estoient en Tourainne et prendoient le chemin de Poitou, il se party de Chartres et s'en vint à Blois ; car il dit que il les voUoit adevanchier et combatre oii que che fust, et que il les combateroit où il les pouroit trouver. Le roy avoit si grant nombre de chevaliers que mervelle seroit à penser, et passoient la rivière de Loire ensy qu'il venoient, li aulcun à Orliens, li aultres à Mehun, ly pluiseurs à Sau-