SONT EN PRESENCE
« autrement [et] que nous partons sans corabatre, je le vous « calengeray et prouveray de mon corps contre le vostre « que la devise doit mienne estre mieulx que vostre, » Sur chel estât, par grant félonie et mautalent il se départirent ly ungs de l'autre , et retourna chascun devers sa partie pour faire relation de che qu'il avoient trouvé.
Endementiers vint messire Talerans le cardinal de Pieregorch, qui estoit partis de Poitiers , devers le roy de Franche, et luy pria moult afectueusement en genoulant que che jour il luy volsist acorder de non combatre. Le roy ly respondy qu'il n'en feroit riens. Dont le pria-il de rechief qu'il luy volsist donner tant de respit que il euist parlé au prinche de Galles. Le roy luy acorda. Lors s'en vint le dit cardinal devers le prinche qu'il trouva , comme il me fu dit, assés tretable, et se fust légièrement laissiet acorder, et fist offrir au roy grandes et belles offres de rendre et remettre arière tous les prisonniers que en che voiage prins avoient et tous les castiaulx conquis ossy et non luy armer sept ans contre le couronne de Franche , ne nuls de chiaulx qui là estoient. Ensy le raporta le cardinaul au roy^de Franche ; mais le roy dist qu'il n'en feroit riens, se il ne les avoit à sa vollenté , laquelle chose le prinche et son consail n'euissent jamais fait , mais aroient trop plus chier à atendre l'aventure de Dieu et le fortune d'armes que d'iaulx eulx mettre en tel dangier.
Tant ala le cardinal de l'un à l'autre que che dimanche fut mis en respit jusques au lundy au matin. Che dimanche toute jour y ot pluiseurs paroUes de traitiet pourchachiet par le dit cardinal qui vollentiers euist veu que il se fuis-
348 MÉDIATION UU CARUIWAL DE l'ÉRlGORD.
sent départy par bonne amour , mais oncques il ne peult amolier le cuer du roy de Franche ; car nullement il ne volloit oïr parler de pais, car messire Ustasse de Ribemont qui moult estoit en le grâce du roy de Franche, brisoit tous les traitiés , si tost qu'il avoit loisir de parler au roy. Sy demorèrent le dimanche sur cel estât.
Le lundy au matin, que le respit fut fallis , revint encore le cardinal devers le roy pour traitier ; mais il ne peut riens impétrer. Sy demora la chose ensy , et vint renonchier le cardinal au prinche à tous traitiés, et ly dist que il ne povoit veoir que combatre ne les convenist. Le prinche respondy : « Dieu y ait part ! » Lors se party le cardinal, et retourna à Poitiers, et ches deus host demorèrent sur les camps chascuns aviset et prouveu de che qu'il dévoient faire.
Le roy de Franche avoit là bien LX"^ chevaliers, que escuiers, combatans. Le prinche de Galles n'avoit mie plus de V à VI"" archiers et II™ hommes d'armes ; sy ne devoit pas estre mervelle, se les Englès resoignoient la puissance du roy de Franche. Nonpourquant, quant il veyrent que combatre les convenoit, il se resconfortèrent moult grandement, et [le prinche] resconforta ses gens par si biel langaigeque tout en vallirent mieulx,et ordonna deux batailles, et mist ses archiers en manière de une hierche, et les gens d'armes ou fons de le bataille, et prist le fort et le clos de une vigne entre hayes et es[iines, et se mirent tout à piet, leurs chevaulx et leur harnas derrière yaulx.
Le roy de Franche très le dimainche avoit ordonne trois grosses batailles et chely des marisaul.x. Se n'y eult aultre chose à faire le lundy que au commandement que chascun alast ensy qu'il devoit aller, hommes d'armes tous à cheval
