BATAILLE DE POITIERS
montés sur bons et fors coursiers pour desrompre los ^ archiers. [La première] estoit la bataille du duc Charles de Norraendie et de ses deux frères. En ceste bataille avoit pourveu de XV'^ chevaliers. La seconde bataille gouvernoit le duc d'Orliens, frère audit roy, où bien avoit mille chevaliers. Le tierche bataille avoit le roy de Franche, oîi bien estoient XV chevaliers. Là estoit toute la fleur de chevallerie de Franche. Pour che temps e.stoit connestable de Franche le duc d'Athènes, ung moult vaillant chevalier. Là y eult noble et grande ordonnanche entre les royaux, car le roy de Franche [se] fist armer luy vingtième de contes des plainnes armes de Franche, en manière que on ne seut à dire lequel estoit le roy, qui bien ne le congnoissoit. Et pour che que le conte d'Alenchon estoit lors ung jovène fils, li Archeprestre fu armés à cheval couvers pour luy. La avoit ung vaillant chevalier et preudomme , qui s'apelloit messire Godefroy de Cargni, qui s'armoit de gueules à trois escuchons d'argent, auquel le roy de Franche donna sa banière souveraine, et le porta.
Quant tout fut ordonné d'une partie et d'aultre, et le cardinal fut retrait, le roy de Franche commanda ou non Dieu et de saint Denis à apparlier, et iist copper à chascun les poulaines de leurs sollers ou des housiauls et retaillier sa lance à le longeur de cinq pies. Lors se départirent, tout devant les batailles, III'' hommes d'armes que le marisal de France conduisoit, et vinrent assambler ; mais en devant encores estoit messire Jaques d'Audelëe, lequel estoit party de la bataille du prinche par congiet, car il avoit voet grant tamps devant que che seroit le prumier assal- - lant, ensy qu'il fist et qu'il se trouva entre bons et vaillans chevaliers chelle journée. Ossy messire Ustasse d'Aubrechicourjt se départy de sa bataille et s'en vint entre les batailles jou.ster à ung chevalier d'Alemaigne, qui s'apelloit
messire Loys de Retombes, et estoit ' Sy se portèrent de leur lanches tous deus à terre, et là fu assally des Allemans messire Ustasses, et petitement fu secourus de ses gens. Sy fu pris prisonniers et jette sur ung kar ; mais puis fu en celle journée délivrés de grant aventure, et y fist depuis pluiseurs bieaus fais d'armes. Or vous parlerons de la bataille à cheval que le marisal de Franche conduisoit, où toute fleur de chevallerie estoit.
Geste route des marisaulx qui volloient desrompre les archiers d'Engleterre et entrer en yaulx, approchèrent moult et se boutèrent en ches haies et en ces vingnes. En ung grant chemin estoient à la couverte les archiers d'Engleterre et entre ces buissons. Quant les Englès virent venir les Franchois sy esforchiment, adont commenchèrent à tirer de l'une part et d'autre et à berser hommes et chevaulx et à enfiller ces sayettes en ches chevaulx qui reculloient quant il sentoient que il estoient ataint de ces fers agus et de ces flesches barbées. Là avint trop grant meschief sur ces Franchois qui s'estoient du premier avanchiet ; car il chéoient l'un sur l'autre et tresbuschoient parmy l'un l'autre, et n'estoient confortés de nuUuy, et là vencuent entre yaulx grans ribaus englès qui se boutoient entre les archiers et ocioient ces Franchois de leurs coutiaulx , là où il les veoient gésir à mesquief, et en y eult par celle manère mors de moult vaillans chevaliers, dont che fut damaige, et en y ot plus de cent et cinquante qui là furent ochis. Messire Jehan de Clermont, marisal de Franche , fu moult navré ; ses compains messire Ernoul d'Audrehen fut pris.
Quant les gens d'armes d'Engleterre virent tresbuschier ^ à meskief ensy en la bataille des marissaulx, que peu
* Quelques mots manqnpiit dniis U> nis.
avant avoient raoult resoignet, sy furent moult rescoufortés, et montèrent les pluiseurs à cheval et vinrent autour d'une montaigne férir en le bataille du duc de Normendie, qui estoit à ce commenchemeut larghe par devant et estroite par derière, mais tantost fu estroite par devant et larghe par derière. Le duc de Normendie estoit en che jour en le garde et gouvernement de monsigneur de Saint-Venant et de monseigneur Thibaut de Vedenay. Chil doy baron , quant il virent le grant mesquief que il leur aprochoit et que la bataille des mariscaulx estoit toute desconfite sans recouverier et que leur gens branloient et s'ouvroient, sy n'osèrent atendre che péril ; car ossy il veoient la bataille du duc d'Orliens et le duc d'Orliens meismes qui se partoient et retournoient les clos. Sy firent monter raessire Charles de Franche et montèrent ossy et se partirent. Ly demourant qui chevaulx avoient, montoient; ly aulcuns partoient, et ly aulcuns aloient devers les ennemis. Toutefois le duc de Normendie se sauva, et l'enmena le sire de Saint-Venant , et messire Thibaut de Vedenay retourna en la bataille, qui fu moult bons chevalier celle journée et fu pris. Et ossy se départirent pluiseurs aultres grans seigneurs , messire Loys de Franche et messire Jehan son frère et plus de IP chevaliers.
Quant les Englès perchurent le povre conduite des Franchois , sy dirent : « La journée est nostre. » Messire Jehan Gandos , qui estoit au frain du prinche et qui oncques che jour ne laissa le prinche, ly dist : « Sire, che- « vauchiés avant ; la journée est vostre. » Dont veissiés Englès apertement monter à cheval et crier à haulte vois : « Saint Jorge ! » Là veissiés banières et penons de ches Englès voiler et venteler et entrer parmy ches batailles , et tondis la banière du prinche devant ; car messire Jehan Candos, qui saigement le menoit et consil-
552 RATAI LLK
loit, le faisoit toudis aller avant pour réconforter ses gens. Là fuioient Franchois sans arroy et sans ordonnanclie, les pluiseurs devers Poitiers, et ly aultres d'aultre costé, sy efFréés que il ne savoient auquel entendre. Là peuist-on veoir banières et penons des Franchois, signeurs, chevaulx et gens reversés par terre. Ch'estoit grant pité et très-grant oribletë à regarder en celle fuite et en chelle cache.
Du commenchement fu trouvé sur un char messire Ustassed'Aubrechicourt des gens monsigneur Jehan Caiidos. Sy fu tantost délivrés et montés à cheval, lyquel y fist depuis pluiseurs grans appertises d'armes , et eult des bons prisonniers , dont il en vally raieulx. Là avoit grant péthelie d'ommes et de chevaulx, et grant desconfiture sur les Franchois. Je ne dis mie, se Dieu plaist, que tout fuissent mors ; car il en y avoit là tel V qui tout y deraorèrent ou mort ou pris, qui pour riens ne fussent recullés fors par avis. Le duc de Bourbon, le duc d'Athènes, messire Jaques de Bourbon, le conte de Waudemont, monsigneur Renault de Pons, messire Guichart d'Angle , messire Guichart de Bieaugeu, messire d'Anglure, messire Guillaume de Nielle, messire Robert de Duras, messire Guillaume de Montagu, messire Ustasses de Ribemont et messire Jehan de Landas et pluiseurs aultres chevaliers y demorèrent et y firent à leur povoir pluiseurs appertises d'armes, qui, pour le mort souffrir quatre fois, n'euissent fuit.
Quant le roy Jehan de Franche, qui fu moult vaillant et moult hardis, vey ensy ses gens perdre à petit de fait et qu'il fuioient et se desconflsoient, vous povés et devés bien croire qu'il fut moult courouchiés, et dessendy tantos de son cheval, et dist en regardant autour de luy : « Tout « homme à piet. » Là se mirent à piet et demorèrent delés le roy tout chil qui l'aimoient et qui honnourés volloient estre. Adont le vaillant roy, qui cuidoit bien recouvrer
le besoigne et la journée , passa avant en aprochant les ennemis, et fist passer avanf sa souveraine banière , que che vaillant chevalier raessire Jofrois de Cargni portoit. Tout chil qui fuioient et qui le bataille du roy. et ses banières encontroient , retournoient et se requelloient ensamble. Ensy s'en vinrent le roy et ses gens qui demoret delés luy estoient, s'asambler as Englès ; mais les Englès estoient jà sy moutepliet en vertus et en hardement qu'il n'en firent compte, mais les envaïrent de grant vollenté , et tantost entrèrent ens et les dérorapirent. En la bataille du roy furent che jour fait pluiseurs grans fais d'armes ; car là estoit fleur de chevallerie. Messire Robert de Duras, neveu au cardinal de Piereghot, y fut de commencheraent mors, et le trouva le prinche en son chemin. Sy le fist lever et chergier sur ung targe par quatre Franchois qui pris estoient [et porter] à Poitiers devers le cardinal son oncle, et parmy tant il leur quitoit leur raenchon , et leur dist : « Salués-nous le cardinal de Pieregot à toutes ces « ensaignes, » Chil firent leur messaige bien et à point , et me fu dit que le prinche le fist ensy comme par despit ; car avis ly estoit que les gens du cardinal ne se dévoient pas estre combatu , quant le cardinal estoit là venus pour traitier et porter pais. Encores en y eult des aultres des gens du cardinal qui y furent pris et en grant péril d'estre décollés, tel que le castelain d'Amposte et messire Rogier de Pierregot, et fu ledit cardinal des Englès notés de trayson , mais depuis s'en osta et purga ; car tout y estoient allé maugré luy et cuidoient bien que les Englès deuissent estre desconfis.
Geste bataille, qui fu es camps de Maupertuis à une grosse lieue de Poitiers , fu che lundy au matin durement forte et félonneuse et moult bien combatue de le partie des Englès et des Gascons , et vous dy que ly Gascons
