XVII. — FROISSART
qui là estoient grant foison, furent bonnes gens en tout estât. Là furent bon chevaiier de leur costé et grant grâce y aquirent le captai de Beus, le sire de Muchident, le sire de Caumont, le sire de Labreth, le sire de Rosem, le sire de Pumiers, le soudic de Lestrade , le sire de Monfort , le sire de Petiton , raessire Perducas de Courton , messire Perducas de Batefol, messire Aimeris de Tarche, le sire de Longeren, le sire de Landuras, messire Seguins de Battefolle, et portèrent chil barons et chevaliers de Gascongne grant confort as Englès et embellirent et coulourèrent leur besoigne grandement , car il estoient là ossy fort ou plus que les Englès, excepté des archlers qui portèrent grant damaige as Franchois, ensy qu'il y parut. Du costé des Englès fut le mieuldre chevalier pour la journée messire James d'Audelée, et puis après messire Jehan Candos, et le tierch messire Renault de Gobehem. Vray est que l'onneup on le donnoit au prinche de Galles , et che fu raison ; car il estoit chief de l'armée et ung jones [prinche] et qui fut che jour en tous estas trop grandement confortés et qui toudis chevauchoit avant, ne oncques ne retourna, ne recula , ne genchy à destre, ne à senestre , tant que tout furent desconfîs. Là furent bon chevalier du costé des Englès messire Biertemieus de Brouhes, messire Richart de Stanfort , le sire de Ware, le sire de Basset , le sire de Willeby , le conte de Warvich , le conte de Sallebrin, le conte de Sufort, le conte d'Askesufort, le jone sire Despensier, messire Edouart, qui fu là fait chevalier à lever banière, le sire de Manne , messire Estienne de Gousenthon, messire Thomas de Felleton et messire Guillames de Felleton, ses frères , et pluiseurs aultres, et de Haynau raessire Ustasses d'Aubrechicourt et messire Jehan de Ghistelles. Et devés savoir que le prinche avoit toute le fleur de chevallerie tant de Gascongne comme d'Engleterre , et toudis
tant qu'il vesquy et se fortune dura , il se hourdoit de bonnes gens, tant que ses subgès en vallirent mieulx et que che fu en son vivant le plus honnouré prinche du monde. En une sy grosse besoigne, que la bataille de Poitiers fu, aviennent trop grant foison de fais d'armes, qui tout ne viennent mies à congnoisanche ; car on ne les peult mies tout conchevoir , ne ymaginer. Je le dy pour tant que il avint à ung escuier de Picardie une moult belle aventure , lequel s'apelloit Jehan de Clèves ; car le sire de Bercler, ung grant baron d'Engleterre, le cachoit et tant que Jehan se senty hors et ensus de le besoigne et en cache de ce chevalier qui de près le siévoit , et nuls fors que che chevalier. Sy s'avisa qu'il retourneroit contre lui et esprouveroit se proesche à le sienne. Sy retourna ledit Jehan l'espée toute nue contre le chevalier , liquels ne le veult pas refuser , et là s'asamblèrent chil doy campions par tel affaire qu'il se frapoient les cops si graus de leurs espées qu'il faisoient les estinchelles sallir de leurs bachinès , et furent en cel estât bien unne grosse heure combatant et requérant courageusement l'un l'autre. Finablement, ledit escuiermena tel ledit chevalier qu'il le conquist par forche d'armes et le navra moult angoiseusement, dont depuis il demora afoUés, et l'enmena avecques luy sou prisonnier en son hostel en Picardie , et là le tint et garda tant qu'il fu tout sannés de ses plaies ; mais il demora afollés de ses gambes, et fu mis à rainchon à six mille nobles, dont l'escuier devint chevalier et en vallirent depuis mieulx tout ses hoirs. Ossy messire Oudart de Renty en cache prist deux bons prisonniers, dont il eult trois mille frans, et se party de le bataille de Poitiers à son honneur.
Vous poés bien croire et savoir que le roy Jehan de Franche estoit moult courouchiés quant il vey ses gens ensy fuir et yaulx desconfire. Sy cuida trop bien la besoigne
oo6 Bataille
retourner par bataille et faire aller avant ches banières et ses penons dont il avoit grant foison ; mais les Englès qui estoient en leur fortune , n'en fissent nul conte , anchois s'adreclièrent devers la bataille du roy qui se tint un petit en bon conroy , car le roy qui estoit grans et fors et hardis chevalier , de une hache qu'il tenoit, se combatoit vaillaument , et à che jour demora avecques luy le plus jone de ses fils , messire Phelippe, qui puis fu duc de Bourgogne , dont on le tint à grant vaillanche. Ly Englès qui estoient fors et vertueulx et au dessus de leur besoigne et qui avoient desconfis tous les Franchois , excepté le bataille du roy , et mis en cache et mors et pris grant foison , quant il veirent la bataille du roy approchier, sy l'envaïrent de grant volenté , et là eult fait pluiseurs grans fais d'armes. Là se tint tondis messire Jehan Camdos delés le prinche , qui oncques che jour ne le laissa , ne entendy à prendre prisonniers , fors à consilier le prinche et mener avant et dire : « Sire , traies celle part, vos gens sont plus « faibles que d'aultre part , » et tant fist ledit messire Jehan Candos qu'il eult le grâce et le renommée de tous les Englès que par luy estoit faite et [se] fist la besoigne de Poitiers. Finablement la journée demeura au prinche de Galles, et fu le roy prins et son fils et quatorze contes de Franche avecques luy, tels que messire Jaques de Bourbon, conte de Poitiers , le conte d'Estampes , le conte de Vendôme et de Genville , le conte de Mont-Ventadour, le conte de Sallebruce , le conte de Nide, le conte Jehan de Nasco, le conte de Sansoire , le conte de Dammartin , le conte d'Eu , le conte de Longheville , ses frères , et tant que il en y eult quatorze, et plus de barons , et chevaliers sans nombre. Il n'i avoit Englès que il n'eust trois ou quatre prisonniers. Là furent mors tout le fleur de chevallerie de Franche pour che jour : le duc Pierre de Bourbon , le duc
DE POITIERS. ÙO I
d'Athènes , messire Robert de Duras , messire Guichart de BieaugeiJ , le sire de Castiel-Villain , le sire de Pons , messire JoiTroy de Cargni , le sire d'Englure , messire Guillame de Nelle , messire Guillame de Montagu , messire Jehan de Clermont, messire Jehan de Landas, messire listasse deRibeument, jusquesàtrente-troisbanières , et entre sept à huit cens, que chevaliers, que escuiers tout [noble] homme de pris. Et se rendy le roy Jehan de Franche , sicomme on dist , à ung chevalier de Saint-Omer , qui s apelloit messire Denis de Morbecke, et ly bailla son gant, et depuis dist ung escuier gascon qui s'apelloit Bernart de Tentes, qu'il l'avoit pris, et en furent en grant dissention. Sy en fu le dit roy menés par devers le prinche qui jà s'estoit' retrais au dehors des batailles et mis en ung petit pavillon de vermeil cendal qu'on luy avoit tendu pour luy rafreschir, et avoit là mandé monsigneur Jamme d'Audelëe qui durement estoit navrés , et ensy que messire Jamme estoit retrait, on amena là le roy de Franche. Sy poés bien croire et savoir que le prinche fut moult resjoïs quant il oy ces nouvelles, et vint contre ce roy et luy fist toute honneur et révérenche qu'il peut , ne oncques depuis che jour ne le laissa que il ne fust tondis delés luy. Sy se logèrent là li Englès et les Gascons sur les camps, et entendoient à leur prisonniers, Sy se raenchonnèrent ce propre jour grant foison et recrurent sur leur foy et retournèrent à Bourdiaus, et leur firent très-bonne compaignie sans yaulx trop presser ; car Englès et Gascons sont de telle condition que il raenchonnoient courtoisement ung chevalier ou ung escuier et ne volloient mie que chevauche ne luy demorast, par quoyil ne se puist armer et n'ayst pour servir son mestre et son seigneur et syeuwir les armes ; mais AUemans ne sont mie ensy, car il leur font paier de forche et par contrainte tout che qu'il en puevent avoir et plus encore.
