CONTRE LES ÉCOSSAIS

que pour tantost combatre en le monstre de la montaigne, et là se tinrent franchement bien pavisiet , ordonné et apresté sans eulx bougier. Le roy d'Engleterre et tous ses gens qui tantost les Guidèrent combatre, se tirèrent celle part ; mais les Escochois n'avoient nulle volonté de descendre. Sy furent là les Englès devant les Escochois tout le jour. Bien puelt estre que il y eult aucuns Englès qui, pour leur corps avanchier , alèrent escarraouchier contre les Escochois ; mais pou y conquirent, et furent en cel estât tout le jour. Quant che vint au soir, les Englès se retrairent et râlèrent en ces biaus prés sur celle meisme rivière, et au raieus se logèrent qu'il peurent. Et environ heure de minuit , les Escochois qui estoient sur la montaigne, commenchèrent à sonner grans foisons de trompes et de cors et faire tel noise que il sembloit proprement que tout ly diable fussent là descendut entre yaulx , et les Englès tant assés cougnisoient leur coustume. En tel estât furent-il l'un devant l'autre trois jours, et au quatrime jour les Englès regardèrent sur la montaigne. Adont ne virent nuls Escochois , dont il furent grandement esmervilliet, et les Guidèrent bien avoir perdus. Or vous diray : les Escochois estoient partis environ heure de minuit de celle montaigne et estoient allés sur une autre à quatre lieues ensus, et sur ceste meisme rivière, plus forte que la première. Adont furent envoiet devant aucun coureurs d'Engleterre pour savoir se on aroit aucunes nouvelles des Escochois. Ceulx que il envoyèrent, y furent et raportèrent la vérité et que il estoient logiet et aresté assés près de là. Dont le roy et tout l'ost se délogièrent et s'en vinrent logier devant celle seconde montaigne.

A celle première nuit se départi messire Guillame de Douglas , ung moult vaillant chevalier, de la montaigne à quatre cens armeures de fer, et passa la dite rivière bien en