GUERRE CONTRE LES ÉCOSSAIS

SUS , et s'en vint férir en l'est des Englès et les recuUa tellement que il en ochist, et ses corapaigons, et en navra et percha plus de deux cens. Quant il ot fait son emprise , il retourna sans damaige et ramena tous ses gens : de laquelle chevauchie il fut moult honnourés d'amis et d'anemis. Depuis furent les Englès plus soigneus de garder leur ost. En cel estât furent-il cinq jours l'un devant l'autre , et rengiet et ordonné ensy que pour cornbatre , et riens n'y avoit fait fors aucunes escarmouches d'archiers et de compaignons qui s'avançoient pour gaignier ly ung sur l'autre. Le sixième jour à une escarmuche qui faite fut, prisrent les Englès ung chevalier d'Escoche, et fut mené par devant le roy et les barons d'Engleterre, lequel chevalier moult envis voUoit dire as seigneurs leur convine. Sy fust-il tant enquis et examinés que il dist que leur souverain avoient entre iaulx acordé le matin que chascun fust armés au vespre et que chascun siévist le banière messire Guillame de Douglas , quel part qu'il vouroit aller et que ceste ordonnanche fust tenue en secret ; mais le chevalier ne savoitde certain quelle cose il avoient empensé de faire. Sur che eurent les seigneurs qui là estoient , consail, et avisèrent et ymaginèrent que selonc ces paroles il pouroient par nuit bien venir resvillier l'ost , ensy que il avoient fait autre fois , et assalir à deus costés. Sy ordonnèrent de faire trois gaits plus grans que devant, et furent toute nuit armés en instanche de ce que pour atendre les Escochois. Quant che vint sur le point du jour, deus trompeur furent pris des Englès, qui disoient : « Signeur, que faites- « vous chy ? Les Escochois se sont partys devant minuit, et « sont ore moult loing. » Adont furent menés les dis trompeurs devant les seigneurs pour dire ceste nouvelle. On ne les lessa point aller , et cuidoient les Englès du premier que il le desissent pour eulx déchevoir ; mais les trompeurs