LE DUC DE NORMANDIE FAIT LA GUERRE AUX PARISIENS

rivière de Saine , ne le rivière de Marne, et par les chemins de Bieause, ne de Berry, ne de Gastinois. Sy se comraenchèrent à esbahir cheaulx de Paris, et escripsirent le plus grant partie des hommes de Paris devers le roy de Navarre qu'il leur eult en couvent que il les aideroit et consilleroit contre le régent, syques au title du roy de Navarre pluiseur Englès, hommes d'armes et archiers, qui se tenoient adont en Normendie et en le conté d'Évrues (car il estoit trièves contre les Franchois et les Englès), vinrent à Paris et prirent leur saudées de chiaulx de Paris et commenchèrent à yssir et à faire des escarmuches et des grans fais d'armes contre les gens du duc de Normendie, et sy bien s'y portèrent chil Englès et les Navarois, que il furent à che commenchement grandement en la grâce de chiaulx de Paris.

Adont fu consilliés le roy de Navarre de chiaulx qui l'amoient, de monsigneur Jehan de Pikegni et de monsigneur Jehan de Biékisy qui l'avoient aydiet à délivrer, que il se traisist à Saint-Denis et qu'il n'euist mie trop grant fiance en la communaulté de Paris, car il y avoit de l'orde merdaille grans foison. Sy se traist le roy de Navare en la ville et abéie de Saint-Denis, et tout ses chevaliers et escuiers avoecque luy ; et le duc de Normendie et sy doy frères et le duc d'Orliens leur oncle estoient à Saint-Mor et au Pont-à-Charenton atout grant foison de gens d'armes. Sy demora la chose ensy en chel estât ung grant tamps que ledit duc avoit aségié chiaulx de Paris, et leur proumetoit et leur envoioit dire tous les jours par ses hiraulx que jamais ne venroient à pais envers luy tant que ly prouvost des marchans, ne chil de sa secte par qui 11 doy marisaulx avoientesté ochis, fuissent en vie. Le prouvost des marchans et chil de son enort qui ooient ces nouvelles, n'estoient mie bien aise et tenoient à amour che qu'il pooient le roy de