RÉCONCILIATION DU DUC DE NORMANDIE ET DU ROI DE NAVARRE

Navarre et ly envoioient tout les sepmaines ung sommier de florins pour payer ses saudoyers. Et avoec tout che il deffréùient les Eiiglès et les Navarrois que le roy de Navarre avoit laissiet à Paris.

Cheste haynne et guerre pendant entre le duc de Normendie et chiaulx de Paris, bonnes gens s'ensonnièrent de traitier pais entre le duc de Normendie et le roy de Navarre, et tant fut pourposé et parlementé de l'un à l'autre par le pourcach de l'archevesque de Rains et de l'archevesque de Sens que pais se fist [entre yauls], et furent sur les camps entre Saint-Mor et Saint-Denis en ung pavillon où l'évesque de Paris canta messe , et là par pais faisant [il prist] le corps de Nostre-Seigneur consacré et le party en trois parties, l'une part il usa, le second il donna au duc, et le tierch il donna au roy de Navarre ; et puis dînèrent ensamble et demorèrent par samblant bon amit et jurèrent à tenir celle pais entirement et fermement. Pour che ne donna mie le duc de Normendie ses gens d'armes congiet ; mais fist guerrier arière chiaulx de Paris plus fort que devant.

Le prouvost desmarchansetchilde sa secte ne furent mie asseurés de chelle pais, et volsissent bien que elle se fust portée aultrement. Avint que li commun de Paris se commenchèrent à tasner de ches Englès et Navarrois que le roy de Navarre et le prouvost du marchans leur avoient délivré, et tant que hayne etmautalent se monta entre yaulx. De ches Englès saudoyers morut sur ung samedy plus de quarante, et encores euissent-il esté tous ochis ; mais le prouvost du marchans alla au devant et en mist en prison et fist aller en prison plus de IP pour yaulx ester de che