PAIX ENTRE LE RÉGENT ET LE ROI DE NAVARRE
Jehanne, qui fu jadis femme au roy Charles de Franche , la royne Blanche , qui fu femme au roy Phelippes de Valois , la royne Ysabel, femme au roy Charles de Navarre. Sy se tint le siège moult longement, et y eult pluiseurs escarmuches et assauls.
Les trois roynes qui dedens estoient , rendoient grant paine que bonne pais fust entre le duc de Normendie et le roy de Navarre, et en commenchèrent à entamer traityés , et se portèrent chil traitiet tellement , parmy le pourcach du cardinal de Pierregorch, qui estoit adont en Franche , que pais entre les parties dessus dittes fut , et se départirent ly Navarrois qui à Melun se tenoient , et fu rendue la ville franchoise ; mais Mantes et Meulent demorèrent au roy de Navarre. Son frère ne s'en ensonnioit de riens ; car che fut oultre son gré que la pais se fîst , lequel serment il tint bien, et s'en vint en Engleter^e et se tint là delés le roy d'Engleterre , qui li fist grant chière et qui moult l'amoit et l'apelloit cousin.
En che tamps se deffit le siège devant Rennes en Bretaigne , et s'en party le duc de Lenclastre, et retourna en Engleterre et y mena le jone conte de Monfort.
Assés tos après la pais faite du roy de Navarre et du duc de Normendie , fallirent les trièves du roy d'Engleterre et du roy de Franche , si que chil saudoyers et ches gens d'armes qui estoient espars par le royalme de Franche et qui avoient fait guerre au title du roy de Navarre , firent guerre plus forte au title du roy d'Engleterre. Et manda le
578 r.OMIîAT DE NOGEM-SUR-SKINE.
roy d'Engleterre as capitaines , chevaliers et escuiers des garnisons qiril se tenissent et fesissent bonne guerre et forte et que temprement il les rafresquiroit.
Messire Ustasses d'Aubrechicourt, qui estoit le plus grant capitainne et qui le plus faisoit de grans proesses, qui fust ou roialme de Franche de par les Englès, se tenoit en Carapaigne , et couroient ses gens tout le pais d'environ TroiesetChallon et Prouvins, et estoit tout à yauls. Or avint que 1 evesque de Troies , ung moult vaillant homme, qui le païs de Campaigne veoit destruire , manda grant foison de gens d'armes as despens de chieulx de Troies , et eult le conte de Wandemont et ses gens, monsigneur Broucart de Fénestraiges, monsigneur Jehan de Chalon, Pierre de Bar et Phelippes des Armois, et furent bieri XIT lanches, que chevaliers, que escuiers, et 11" brigans à lanches et à pavais, Sy entendirent ches gens d'armes qui se tenoient en la chité de Troies, que ung jour messire Ustasses d'Aubrechicourt et ses gens chevauchoient et pooient bien estre environ IIIP combatans. Sy se départirent toutes ches gens d'armes qui se tenoient en le chité de Troies et chil brigans que l'évesque de Troies et messire Brocars de Fénestraiges menoient , et esploitèrent tant que assés près de Nogant-sur-Sainne il trouvèrent leurs ennemis. Là eult forte bataille qui longement dura , et y fist le dit messire Ustasses pluiseurs grans fais d'armes. Finablement les Franchois obtinrent le plache , et furent tout mors ou tout prins. Et fu là pris messire Ustasses d'Aubrechicourt d'un chevalier de la conté de Vaudemont qui s'appelloit messire Henry Kevillart , et furent tous chil prisonniers ramené à Troies. Sy tost que tout chil qui tenoient garnison ou nom de messire Ustasses , entendirent qu'il estoit pris, il lais-
