JEAN DE BEAUMONT RETOURKE EN HAINAUT
raettoient leur teste en abandon que il estoit ensy. Adont furent envoiet environ solleil levant aucun Englès sur la montaigne dont les Escochois estoient partis , et n'en trouvèrent nuls, mais grant foison de bestes toutes tuées, pour tant que il volloient que les Englès n'en euissent nulle aise , et tout che raportèrent-il as seigneurs de l'ost. Adont se tint le roy pour confus et décheus , et veoit bien que de poursiévir les Escochois il n'aroient point de proufît. Sy avisèrent que il se retrairoient devers le Noef-Chastel. Sy se deslogèrent et se mirent au chemin , et le première ville que il trouvèrent , che fu Durem , où il y avoit grant foison de leur harnas. Sy s'en vint le roy au Noef-Castel et là se rafresqui trois jours , et au quatrième il se party et s'en vint à Durem , et là donna-il le plus grant partie de ses gens congiet ; mais il retint delés luy monseigneur Jehan de Haynau et les Hainuiers, et chevauchèrent en le compaignie du roy jusques à la cité de Ewruich , où il trouvèrent madame la mère du roy qui rechut son fil et les seigneurs à grant joie.
Ensy fu cheste grande et dure armée départie, que le roy Edouart fist le premier an de son couronnement contre les Escochois. Lors se départirent toutes gens d'armes du roy, et retourna chascun en son pais , et lors prist messire Jehan de Haynau congiet du roy et de madame sa mère et à tout son consail. Le roy ly donna voUentiers et à tous les Haynuiers, et les remerchia grandement de leur bon serviche , et les fist païer sy largement que il furent content. Et quant il se partirent , le roy les fist convoïer jusques à Douvres à grant armée pour le doubte des archiers de LinchoUes qui trop les haioient pour les choses chydevant dites ; car pluiseurs fois les avoient manechié de
26 MARIAGE d'ÉDOUABD III
ochire ou de mourdrir à leur retour , mais il n'en orent garde, ançois passèrent la mer par le conduite du roy sans péril et sans dangiers , et retournèrent en Haynau et se départirent là tout ly ung de l'autre. Sy fu ledit messire Jehan de Haynau moult bien festiés du conte son frère qui avoit eu pluiseurs grans angousses pour le bataille de ches archiers.
Ne demora mie long terme depuis que madame la royne d'Engleterre et ly conte Aimon de Kent, le conte Henry de Lenclastre , messire Rogier de Mortemer et cil qui estoient demourant delés le jone roy et de son consail, avissèrent et ymaginèrent par grant consultation que le jone roy d'Engleterre seroit bon à marier. Sy regardèrent où , et dirent adont entr'eulx que on ne le povoit mieulx assener, ne marier que à l'une des filles de che vaillant et honnouré prinche le conte Guillame de Haynau , qui sy grant amour et courtoisie avoit fait à la royne d'Engleterre et à son fils, et qui aydiet luy avoit , quant tout le monde luy avoit failly , et envoiet son frère et ses gens pour luy aydier à reconquerre son pais , ou aultrement il estoit perdus.
Chel avis et consauls fu tenus, et fut demandet au jone roy quelle chose il en diroit. Il respondy que il n'y sentoit que tout bien et que plus vollentiers le prendroit-il que aultre part. Et lors luy fu demandé à laquelle il avoit mieus son plaisir ; car le conte de Haynau avoit trois filles à marier, et le royrespondit : « A le plus jovène, exepté une, « qui s'apelle Phelippe. » Car celle luy avoit toudis monstre plus d'amour que nulle des aultres, du tamps que il fu en Haynau. Lors furent lettres escriptes, et envoiet une belle ambassade , deus évesques et ung conte et six chevaliers, pour prier au conte de Haynau que il volsist mademoiselle
