TRAITÉ

assentir à la pais , mais il n'en avoit encore point de vollenté. Anchois se desloga le roy de Galardon, et toute ses gens , et s'en vint devant la bonne ville de Chartres en instanche que pour l'asëgier , de laquelle messire Ernoul d'Audrehem estoit capitaine avecques grant foison de chevaliers et d'escuiers du païs de Bieauce. Sy se loga le roy d'Engleterre en urig villaige delés Chartres, qui s'apelloit Bretigny, et toute ses gens ens es villaiges d'entour, où il faisoient logis de feuUes et de bos ; car le saison le devoit, car che fu o joly mois de may.

Derechief vinrent encore les enbastadeurs du duc de Normendie en l'ost du roy, et le comraenchèrent à preschier et à sermonner pour le pais; mais il le trouvèrent à che dont moult froit , che traitiet durant. Or avint une chose en l'ost du roy d'Engleterre, qui moult l'umelia ; car ung grant tempeste du chieldescendy, tels que de vent, d'oraige, depleuie et de grésil, qui tuoit et abatoit hommes et bestes, et n'y avoit sy hardy en l'ost, qui ne fust tout efFraés, et se voua et se donna le roy en grant dévotion à Nostre-Dame de Chartres, et depuis che jour en avant il entendy à che traitiet, et me samble, ensy comme il me fut dit, que le duc de Lancastre , lequel le roy créoit bien et assés en toutes choses, y rendy grant paine et consilla grandement le roy que il se dessendesist à pais et acort et y presist les offres que le duc de Normendie, aisné fils du roy de Franche, ly faisoit. Sy fu tant allé et parlementé que le roy s'i acorda, et furent les traitiet de la pais fourme sur tel estât, dont le substanche des parolles s'ensieult ensy, c'est-à-savoir que le roy de Franche et son aisné fils Charles, daulfin de Vianne et duc de Normendie, et leurs successeurs rendent et délivrent au plus tos que il pouront et ou plus tart dedens le

DE KUETi^.^Y. 591

jour de la Toussaint, toutes les lettres qui chy s'ensièvent : premièrement le chité et ville et le chastiel de Poitiers et toutes les terres et le pais de Poito, le chité, le ville et le castiel de Saintes , le terre et le pais de Saintonge , le chité , le ville et le chastiel d'Aghen , le terre et le pais d'Aginois , le chité , le ville et le castiel de Rodais , le terre et le pais de Roergue, le chité et le castiel de Chaours, le terre et le pais de Quersiu, le chité , le ville et le castiel de Limoges , le terre et le pais de Liraosin, le ville et le castiel de le Rochelle, le terre et le païs de Rocellois , le terre de Gauvre, le fief de Touwart et le terre de Belleville, le chité, le ville et le castiel d'Angoloisrae, le terre et le païs d'Angoulesmois, le conté de Pontieu, le conté de Ghines, la terre de Hoie,de Melch et de Sangattes et toutes les appartenanches de celles contenans et entreprendans dedens les hendes en le forme et manière que anchiennement ont esté tenues et sans ressort devoir jamais au roy 'de Franche, ne successeur descendant de luy, toutes lettres, homaiges, fiefs et casteleries et aultres juridictions quelconques et avecques tout che payer trente cens mille francs, dont du premier paiement, ains que le roy de Franche se parti de Calais , fault payer six cens mille francs et le demorant dedens quatre ans, et de che donner bon hostaiges des plus nobles du royalrae de Franche et de dix-neuf chités et bonnes villes hostaiges pour estre plus aseurés, et parmy tant lé roy d'Engleterre renonche et a renonchiet pour luy, ses enfans et sucesseurs au non et as armes, à le couronne et calenge de Franche.

Quant ces choses furent ensy proposées et ordonnées et acordées de toutes les parties, pour estre en plus seur estât, unes trièves furent prises à durer jusques à le Saint- Miquiel, et en avant espéranche de pais. Dont envoia le roy d'Engleterre à Paris avecques les dis embassadeurs