TRAITÉ DE BRETIGNY

quatre de ses plus espésiaulx chevaliers , monsigneur Renault de Gobehem , monsigneur Jehan Camdos, monsigneur Gautier de Mauny et monsigneur Jaime d'Audelée pour parconfremer et seller et jurer à tenir fermement et establement ches lettres et ches traitiés du duc de Normendie et de ses frères. Et encores se tenoit-il attendant le revenue de chiaulx à Brettigny dalés Chartres, et toutes ses gens ossy; mais il ne couroit, ne faisoit nul damaige au païs, anchois leur venoient vendre et administrer vivres et prouvéanches pour leurs deniers chil de la chitë de Chartres et des plaches environ.

Quant le duc de Normendie et chil de Paris seurent que les chevaliers du roy d'Engleterre venoient et apportoient le pais, sy vuidèrent contre yaulx à grant rêvérenche, et tout le clergiet as crois et à confanons, et furent ensy amenés jusques au palais de Paris. Là leur [fist] le duc de Normendie toute l'onneur, amour et révérense qu'il peult, et leur fist ouvrir la Sainte-Chapelle et leur monstra les plus * dignes relicques qui estoient en chrestienneté, le sainte couronne dont Nostre-Sire fu couronnés à sa sainte Passion, et en donna à chascun des chevaliers une espine des plus grandes : dont ly chevaliers retinrent à moult grant et moult noble che don et le prisèrent plus que nuls aultres joiaulx que on leur peuist donner. Et quant il eurent esté delés le duc de Normendie et ses frères ung jour, et il eurent tout confrumé et séellé , on cria et publia la pais parmy la chité de Paris, et le envoia-on publier et déuonchier par tout le royalme de Franche. Et retournèrent les dessus dit chevaliers d'Engleterre par devers le roy en l'ost, qui les rechut joieusement, lesquel se loèrent du duc de Normendie et de ses frères et des barons de Franche, qui les avoienthonnourablement recheut. Depuis leur revenue, le roy d'Engleterre ne demora gaires plenté, mes se desloga