LE ROI JEAN RENTRE EN FRANCE

et fîst toutes manières de gens deslogier, et s'en vint, oplus tost que ilpeult, en Normendie, et monta en mer à Harfleu et fu sur une espasse de tamps en Engleterre, et ly aultres passèrent tous bellement parmy le royalme de Franche et vinrent à Calais et puis alèrent en Engleterre.

Vous devés savoir que le roy Jehan de Franche fut moult lies quant il seut le vérité et vraies nouvelles de par le roy d'Engleterre que pais estoit, et ly segnefia prumièrement madame la royne Phelippe d'Engleterre, sa cousine germaine. Et encores fut-il plus lies, quant on le mist hors de prison du chastiel de Londres et on le fist venir à Wesmoutier, et le traitiet de le pais ly fu là monstret , et là le lieut-on et renouvela, lequel il n'euist jamais brisiet, et ne détria puis gaires de tamps que ly rois Jehans et messires Phelippes ses fils furent envoiet à Calais et là mis en la garde de monsigneur Regnault de Gobehera et de monsigneur Gautier de Mauny et de messire Gui de Briane et de monsigneur Rogier de Bieaucamp ; et tout ly aultres prinches qui à renchonner estoient, qui furent pris en le bataille de Poitiers, furent délivret parmy le traitiet dessus dit.

En la ville de Calais fu le roy de France depuis l'entrée de juing jusques à bien près de le Tousain, et le gardoient les dessus dis chevaliers à ses frais tant que ly six cens milles frans fuissent venus, qui estoient tout prest en l'abéie de Saint-Bertin à Saint-Omer, mais en ne les volloit payer pour tant que le duc d'Ango et le duc de Berry, qui estoient enfans du roy, se tenoient à BouUongne et refusoient d'aler oultre à Calais; etly aultres contes et barons de Franche, qui, pour ostagier estre, estoient venus à Saint-Omer, ne volloient aller oultre, se lydoy enfans du roy n'ialoientprumièrement. Et , se on euist payet l'argent etly ostaige ne volsissent

594 LE nOl JEAN RENTRE EN FRANCE.

estre passé oultre, on euist perdu les deniers, et se fust la guerre renouvellée comme devant.

Tant fu allé , pourposé et parlementé que environ le my de septembre le duc d'Ango et le duc de Berry, enfans du roy Jehan , passèrent oultre et entrèrent à Calais pour ustaigier le roy leur père. Depuis y vint messires Phelippes, frères de deuxième mariaige au roy Jehan (chils estoit duc d'Orliens) , et ossy le duc de Bourbon , messire Jehan d'Estampes , conte d'Alenchon , messire Pierre d'Alenchon ses frères , Guis de Blois pour le conte Loys de Blois son frère, le daulfin d'Auvergne, le conte de Saint-Fol, le conte de Poursien , le conte de Harcourt , le conte de Braine , le sire de Roie , le sire de Saint-Venant, le sire d'Estouteville , le sire de Memorensy, le sire de Clères , le sire de Trainyel, le sire de Maulevrier et pluiseurs aultres hauls barons de Franche, et de dix-neuf chités et bonnes villes de chascune deus bourgois, et de Paris quatre. Sy jurèrent tout chil signeur et bourgois solempnellement de aller tenir prison à Londres en Engleterre et là où au roy plairoit jusques adont que on les aroit racheté de vingt-quatre cens mille frans. Sy passèrent oultre de Calais et arivèrent à Douvre le nuit de le Tousains l'an mil IIP LX. Et le roy Jehan et ses fils, atout les prisonniers de Franche, partirent de Calais et s'en allèrent à Boulongne, et le prinche de Galles et ses frères avecq le roy de Franche tout à piet par compaignie , et furent là tout che jour et le soir et l'endemain matin, et s'en vinrent à Calais, et le roy de Franche prist le chemin de Monstreul-sur-Mer, et le duc deNormendie ses fils avecques luy et leurs gens. Sy esploitèrent tant par leur journées que vinrent en la chité d'Amiens où le roy fut recheut à grant joie , et là se tint plus de quinze jours.

FORMATION DES GRANDKS COMPAGNIES. ô9o

Or vint à grant contraire as chevaliers et escuiers qui estoient bien montés pour le guerre et qui estoient tous riches par courir et par pillier ens ou royalme de Franche , quant il entendirent que pais estoit et que les castieaulx et fortresses qu'il avoient , leur convenoit laissier ; car tels aloit à dix ou à vingt chevaulx que, se il fust à son ostel, il n'aroit point puissanche de luy monter. Touttesfois par les commissaires du roy de Engleterre, qui leur furent envoiet, [il leur fu] commandé et enjoint estroitement , sur à estre deshonnourés , que il rendesissent les fors qu'il tenoient. Il s'en partirent, et retournèrent ly pluiseurs en leur lieus en Engleterre, en Flandres, en Haynau et en Brabant dont il estoient, et vendoient leur plaches as gens dupais, et [obéissoient] li auicuns qui estoient sujet au roy d'Engleterre et de son roialme ; et ly pluiseurs les tenoient et disoient qu'il faisoient guerre pour le roy de Navarre. Pluiseurs compaignons pilleur et robeur ne savoient de quoy vivre puis que le guerre estoit faille : sy se recuellèrent ensamble et disoient que point n'avoient esté payet de leurs gaiges. Sy commenchèrent à guerrier et à pillier et à faire pis que devant, et se assamblèrent par routtes et par compaignies, et prirent en chel yvier le fort de Genville et bien le valleur de cent [mille] florins dedens. Là se requeillirent toutes aultres manières de pilleurs et de robeurs. Sy en avoit ossy grant route et grant flote en Bourgongne, que on nommoit les Tart- Venus. Chil qui partoient de Picardie , deNormendie et de Vimeu , de Pontieu , de Brie , de Gascogne et de Franche, se tiroient tous celle part et se mirent en Bourgongne, et furent en pau de tamps plus de XXX™, et firent autant de capitaines que il estoient de routes, desquels messire Seghins de Batefol par ses hardies emprises estoit ung grans mestres entre yaulx et le souverain. Sy destruisirent, chel yvier et tout le tamps ensiévant, le bon pais de

BourgoGgne, et se tenoieiit viers Marole-les-Nonnains et en le conté de Fores et sur clielle rivière de Loire ou plus cras pais du monde et où li Englès , ne la guerre n'avoient point esté.

Le roy Jehan de Franche qui estoit retournés à Paris et qui volloit entendre as besoingnes de son royalrae (ch'estoit bien raison), entendy que ches maleoites gens , qui s'apelloient les Tart- Venus et le Grande Compaignie, régnoient en Bourgongne trop fort, et ly fu bien dit et remonstré que, se on ne leur aloit au devant et que on [les] laissast régner en leur mauvaiseté , [il se] moutepliroient syque il feroient plus de maulx que devant les Englès n'avoient fait. Sy encherga le roy son chier cousin monsigneur Jaques de Bourbon que il voulsist aler au devant et presist tant de gens d'armes à tous lés qu'il fust fors assés pour yaux combatre. Ledit messire Jaques de Bourbon se départy de Paris atout foison de gens d'armes., et se mirent aux camps devers ces maleoites gens , et fist tant qu'il vint en le conté de Fores que chil robeour avoient moult gasté. Sy trouva là ses nepveus les enfans au conte ds Fores et monsigneur Regnault de Fores et grant foison de chevaliers et d'escuiers. Sy chevaucha oultre ledit messire Jaques de Bourbon, et fist tant qu'il vint à Lion-sur-le-Rone, et faisoit là son amas de gens d'armes; car ch'estoit où ses mandement estoit, et là vint li Archeprestre devers luy atout grant foison de gens d'armes de Bourgongne.

Quant ces compaignies entendirent que messire Jaques de Bourbon, comme dit est, estoit à Lion-sur-le-Rosne et faisoit là son asamblée de gens d'armes pour yauls combatre, sy se recuellèrent et se mirent tout ensamble, et