W: BRIGNAIS

firent otant de capitaines comme il estoient de routes , comme dit est. Là estoient messires Seghins de Batefol, Nandou de Baglierant , le Rourch Camus , le bourch de Bretuel, le bourch de Lespare et pluiseurs aultres qui tout conduisoient clies corapaignons et qui avoient grant désir de combatre ches chevalier franchois : ou tout perdre ou tout gaignier, car bien savoient que, se il povoient desconfîre monsigneur Jaques de Bourbon et se route, nuls ne se metroit en grant tamps contre yaulx , et seroient tous seigneurs du pais, et, s'il estoient desconfis , il seroient payés de leurs gaiges.

En che tamps se tenoient ches compaignies à trois lieues de Lions-sur-Rosne, sur une plache et ung castiel que on dit Brinay, En leur route avoit grant foison de povre gens mal arées , mal montés et pis armés, et s'en y avoit bien VI™ qui estoient assés bien aharnesquiet.

Quant messire Jaques de Bourbon qui se tenoit en le chité de Lions atout grant foison de bonnes gens d'armes, entendy que ches compaignies aprochoient et estoient à trois lieues près, sy commanda que tout chil qui en Lions estoient, presissent les camps ; car il les voloit combatre. Adont tout se mirent as camps et devers les compaignies qui jà avoient aviset plache et estoient fortefiés d'une montaigne plaine de caillaux, et il convenoit par desous yaulx passer, se les François les volloient combatre. Si trestost que ly Archeprestre vit leur ordonnanche et leur conduite, v il vey bien que on ne les poroit avoir sans grant damaige. Adont consilla et dist que par che lés-là on ne les alast point combatre, mais il n'en peult estre owis ; car là avoit tant de bons chevaliers de Bourgongne, de Savoie, de Prouvenche, de Fores et de Franche qui petit doubtoient et prisoient ches mesquans gens as armes , ensy que vous ores maintenant. Sy fu la prumière bataille toute à piet