COMBAT DE BRIGNAIS

baillie à l'Archeprestre, et ala atout sa banière avant pour yauls ouvrir et combatre. Ensy que l'Archeprestre et se bataille les volloient aprochier , ches compaignons qui estoient en leur fors, comraeuchèrent à jetter et à descliquer pierres de telle fachon qu'il n'y avoit sy hardy qui osast passer avant , car elles effondroient heaumes et bachinès, et rompoient targes et fendoiont, et blechoient et navroient gens, Ly Archeprestre, qui estoit hardis chevalier et qui en grant despit avoit pris che que on ne l'avoit volu croire, ne volt mie pour son honneur reculler (plus chier euist à estre mors sur laplache), et passa toudis avant; mais il ne peult venir jusques à compaignies pour combatre, sy fut toute sa bataille rompue et ouverte, et ses gens mallement menés et blechiés. Messire Jaques de Bourbon fi^t son aisné fils chevalier et son neveu le conte de Forés, et puis chevaucha avant et fist avanchier sa banière pour combatre ches compaignies. Entre ches compaignons avoit bien mille lanches de ossy bonnes gens et ossy bien montés et armés que on peuist estre, qui encores estoient tous frès et tout nouveaulx. Quant la prumière bataille de l'Archeprestre fu rompue, il s'en vinrent aulcun de celle montaigne as cours de chevaulx férir sur costé sur ches gens d'armes, et en ruèrent jus des prumiers venans plus de V''. Là eult grant bataille et forte, et trop vaillaument se portèrent ches compaignies, et demora la plache pour euls, et y prirent plus de raille bons prisonniers, et furent pris ly Archeprestre, le sire de Tournon messire Robert, messire Lois de Bieaugeu, le sire de Calenton, messire Renault de Fores, messire Gérartde Salière, le sire de Benay, le sire de Roussillon, le sire de Groulée, messire Jehan de Chalon. et pluiseurs aultres, et mors messire Pierres de Bourbon et le jone conte de Forés, et navrés à mort, dont che fu pité et damaige, messire Jaques de Bourbon, et fu raportés à