LE ROI JEAN A AVIGNON

En che tamps estoit messire Jehan Candos en Acquitaine et prendoit la possession des chités, villes et chastiaulx, sénescaudies , terres , pais , ysles et toutes autres choses ou nom du roy d'Engleterre et faîsoit vuidier des plaches et des garnisons tous ennemis et rebelles audit royaulme de Franche. Sy s'en aloient les aucuns en Normendie devers le roy de Navarre, qui là faisoit grant guerre, et 11 pluiseurs se retraioient vers Avignon et en Bourgongne , et convint adont le roy Jehan , quant il passa parmy Bourgongne, aller sur le sau-conduit demonsigneur Seghuin de Batefol, qui pour che tamps se tenoit à Anse.

Quant le roy Jehan fut venus en Avignon, on le rechut à i:rant joie, et furent ensamble plusieurs fois au palais ils et le roy Piètre de Chipre, et avint que le jour du Bon Venredy l'an mil IIP LXII le roy Jehan par grant dévotion encarga le crois, et pluiseurs barons du royaulme de Franche et de ailleurs pour l'amour de luy. Et estoit le intention du roy de Franche d'estre près que de mouvoir du march en ung an pour aquiter l'âme du roy Phelippe son père qui jadis l'avoit juré et voet et encargiet le crois vermeille.

Quant chil doi roy eurent esté ung tamps delés l'un l'autre en Avignon , il prirent congiet ensamble. Sy retourna le roy Jehan en Franche par Monpellier en visetant ses chités et ses castiaulx de le Languedock, et le roy de Chipre s'en alla en Allemaigne devers l'empereur et le trouva à Prage en Behaigne , liquels empereur le rechut moult lieraent et ly fist toute l'onneur qu'il peuist, ensy comme à tel roy appartient.

Quant le roy de Chypre ot là esté et visitet les plus grans seigneurs d'AUemaigne, le duc d'Ostriche, le duc