FROISSART. — XVII
4^ LE nOI DE CHYPRE
de Sassongne, le duc de JuUers, le duc de Gueldre, il s'en vint en Brabant devers le duc Winchellin de Brabant et madame la ducesse sa femme, qui honnourablement le rechut ; et quant il eult là esté quinze jours en grant revel et que chevaliers et escuiers cà se venue eulrent jousté et behourdé à Brouselles , il s'en party et s'en ala en Flandres. Sj trouva le conte Lois de Flandres en la ville de Gand , qui honnourablement le rechut, et ossy fist tout le pais, et puis vint à Bruges et là trouva le roy de Danemarke. Sy se conjoïrent et festièrent grandement , quant il se trouvèrent ensamble. Et quant le roy de Chipre eult esté en Flandres une espasse de tamps et que le conte l'eut festiet et conjoy grandement, ensy que bien savoit faire , il s'en party et s'en vint en le ville de Calais ; car en che tamps y estoient les trois ducs qui ostaigiers estoient pour le roy Jehan au roy d'Engleterre, le duc d'Orliens, le duc de Berry et le duc de Bourbon, par grâce espésialle que le roy d'Engleterre leur avoit fait ; mais le duc d'Ango s'en estoit retournés en Franche. Les dessus dis ducs ostaigiers requellèrent le dit roy de Chipre en le ville de Calais moult honnourablement et l'eurent cascun au disner à son tour une fois, et il ossy les eult ; car il fu là séjournant plus de quinze jours en atendant bon vent pour passer oultre en Engleterre. Quant le vent fut bons, il monta en mer luy et ses gens et singla tant que il ariva à Douvres, Sy se rafresquy le dit roy en la ville de Douvres par deux jours, et puis s'en party et chevaucha tant à petite journée qu'il vint à Londres, où il fu rechut à grant joie, et là fu mené à ung ostel pour luy ordonnet et pour ses gens.
En che tamps estoit venus le roy David d'Escoche à Londres parlementer au roy Edouart et son consail pour aulcune chose qui luy touchoient. Sy fu moult lies de la
SE REiND EN ANGLETERRE. 403
venue du roy Je Cliipre et le conjoy bellement et grandement, ensy comme en uug estraigne pays.
Vous devés savoir que ly rois d'Engleterre et madame sa femme la royne et tout les barons d'Engleterre rechurent moult honnourablement le roy de Chippre , car bien le savoient faire , et donna ledit roy d'Engleterre eus ou palais à Westmoustier pluiseurs diners et souppers le roy deChipre, et tant qu'il fu en Eugleterre allant et venant, il ly paia tous ses frais , et donna encore le roy d'Engleterre au roy de Chipre une trop belle grosse nef qui gisoit à l'entrée du havre de Zandevich , laquelle on apelloit Catheline , qui bien avoit cousté dix mille frans , mais je ne say qu'il en avint, car depuis le roy de Chippre le laissa et le rendy à madame la royne d'Engleterre.
Quant le roy de Chipre eult esté une espasse de tamps en Engleterre et qu'il se fu assés esbatus et qu'il eult moult saigement au roy et as barons du païs remonstré l'emprise de le croisie et comment le roy de Franche y veult aller oultre la mer pour reconquerre la Sainte-Terre et que le roy et son consail l'en eurent respondut bien à point , il prist congiet et rapassa la mer et vint à Calais, et dist qu'il s'en yroit en Acquitaine veoir son cousin le prinche de Galles qui jà y estoit allés pour gouverner le pays. Sy se départy le dit roy de Calais et vint à Boulongne , et puis à Monstreul et puis à Rue, et passa le Somme à Abeville et entra en Vimmeu et vint passer la Saine au Pont-del'Arche et s'en alla tout droit en Constentin et à Chierbourc veoir le roy de Navarre qui le rechut liement, et euist adont le dit roy de Chippre vollentiers accordé le roy de Navarre ou roy de Franche , se il peuist ; mais il n'en peult à chief venir. Sy passa oultre et fist tant par ses journées qu'il vint en Poito et droit en Angolesme où il trouva le prinche et madame la princhesse qui nouvellement estoit relevée
