BATAILLE DE COCHEREL

En che tamps reprirent au title du duc de Normendie messire Bertran de Claiquiu et le marescal Bouchicault sus le roy de Navarre Mantes et Meulent, les clés de Normendie, pour laquelle cose le dit roy de Navarre fu durement courouchiés et mist sus une grant asamblëe de gens d'armes, Navarrois, Englès et toutes manières de gens qu'il peult avoir , et en fist chief un sien cousin monsigneur le captai de Beus, vaillant homme et hardy chevalier. Sy firent ches Navarrois leur asamblëe en la chité d'Evreus. D'autre part se tenoient sur les camps messire Bertan du Claikin , le conte d'Auchoire, le visconte de Biaumont, le Archeprestre et bien mille combatans pour garder les frontière contre les Navarrois, au commandement du duc de Normendie ; car les Franchois avoient entendu que les Navarrois s'estoient vanté que il seroient à Rains au devant du couronnement du duc de Normendie , qui devoit estre roy le jour de la Trinité, dont il convint que devant le Trinité les deus host chevauchoient et se trouvèrent sur les camps en ung lieu que en appelle ens ou pais Cocherel. Sy se ordonnèrent et rengièrent l'un devant l'autre , et prirent les Navarrois le fort d'une montai gue et se mirent en tel party que jamais les Franchois ne les fuissent là allé combatre. Et là avoit avecque le captai de Beus ung chevalier englès qui s'appelloit messire Jehan de Pipes, hardit chevalier et outraigeus durement , et pour che que il vit les Franchois reculler, il cuida qu'il s'enfuissent. Sy dessendy de la montaigue sa lanche en son poing, volsist ou non le dit capital, et s'en vint asambler as Franchois. Quant le capital vey che, sy dist : « Dessendés. » Adont dessendirent, et dist [de] messire Jehan de Pipes ; « Il ne se « combatera pas sans my , » et puis dessendirent. Adont il fist desvolleper son penon.

Evous Franchois qui tantost vinrent sur y aulx, quant