SACRE DE CHARLES V

De ches nouvelles fut le duc de Normeiidie, qui s'en aloit à Rains pour estre consacrés, moult resjoïs, et ossy furent tout chil qui l'araoient.

En l'an de grâce Nostre-Signeur mil IIP LXIIIÎ le jour de la Trinité fu couronnés et consacrés en l'église de Nostre-Dame de Rains Charles de Franche aisné fils du roy Jehan, et là y furent le duc d'Ango et le duc de Bourgongne ses frères et leur oncles le duc de Brabant et le roy de Chipre que ne faut mie oublier et grant foison de prélas, de contes et de barons de Franche.

En che jour fu couronnée et consacrée à roynne de Franche madame sa femme qui fille avoit esté au duc Pierre de Bourbon, qui deraora à Poitiers. Sy furent les fiestes et les solempnités grandes au couronnement du roy et de la roy ne ; et y furent donnet et fais grant dons, grans présens et biaux jeuwiaux, et puis retournèrent à Paris.

Sy fu le captai amenés à Miauls en Brie en prison, et là fu une espasse de tamps , et puis ly fît le roy Charles grâce , et fu recrut sur sa foy et amenés à Paris , et là alloit et venoit à se volenté. Et fu en chelle saison de par le roy de Franche envoyet en Engleterre pour traitier le délivrauche du duc de Berry, que il peuist passer parmy luy ; mais le roy d'Engleterre n'en volt riens faire en chelle saison , combien que il amast moult le captai , et respondy au captai que il n'avoit pas esté pris pour luy. Sy retourna le captai en Franche, sans riens faire.

En chelle saison reprist le duc de Bourgogne pluiseurs castiaulx en Bieause et en Normendie, que les.Navarois