KECOMNU DUC DE BRETAGNE

pourposës il eutenderoit vollentiers , mais que il fust en leur puisssanche que il se fissent ouvrir villes, chités et castiaulx et luy rechevoir comme duc de Bretaigne , et quant il en seroit en saisine et possession paisible, il se trairoit en Franche là où il plairoit au roy et luy feroit hommaige et luy recongnisseroit tous serviches comme sen naturel seigneur. Les ambassadeurs de Franche qui là estoient et qui bien cherge avoient de tant faire ou plus, car le sellet du roy avoient, respondirent que che feroientil tout plainement et que en cheste instanche le roy de Franche les avoit là envoiet. Adont furent escriptes lettres et cartres de le pais , et devoit ledit conte de Monfort mettre paine à le délivranche de ses deus cousins de Bretaigne Jehan et Guy qui prisonniers estoient en Engleterre et avoient esté ung grant tamps, et se devoit avoir madame de Bretaigne, femme qui fu à monsigneur Charles de Blois, le conté de Pentèvre qui puet valloir environ vingt mille florins par an , et, se ledit messire Jehan de Monfort mouroit sans hoirs avoir de léal mariage, la ditte ducé de Bretaigne et hiretaige devoit retourner as enfans du dit messire Charles. Toutes ches choses escriptes , grossées et sellées, les ambassadeurs du roy de Franche firent ouvrir villes , chités et castiaulx par toute la Bretaigne et mener partout monsigneur Jehan de Monfort, lequel en avant nous appelions duc de Bretaigne, et quant il eut la saisine et le possession de tout paisiblement, il prirent congiet audit duc et s'en retournèrent en Franche.

Encore parmy celle pais de Bretaigne estoient reudut à monsigneur Olivier de Cliçon tous ses hiretaiges, et euist vollentiers veu le roy de Franche qu'il fust venus à Paris, lequel y vint puisedy et fu sy bien du roy Charles que nuls chevaliers ne fu mieulx de luy.