LES COMPAGNIES VONT EN ESPAGNE

en fu planés par sentense ditte de bouche du pappe et des cardinauls en plain conchitoire, et fu ses frères Henry légitimet à tenir le rovalme , et le remist le pappe en la main de luy, absent le roy dan Piètre.

Adont regardèrent le pappe et les cardinaulx que ceste chose ne se pooit faire , se che n'estoit par conqueste et par forche de gens d'armes ; car che roy dan Piètre estoit sy grans et sy orguilleus que il n'amiroit, ne prisoit nul hommes, syques par l'avis des saiges on traita de la délivranche de Bertran de Claiquin, et en eult messire Jehan Candos cent mille frans, et en paia le plus grant partie le pappe et le roy de Franche.

Quant messire Bertrant fu délivres et quite de sa rainchon , il s'en ala en Avignon, et là ly fu remonstré quelle cose il avoit à faire : se s'y acorda légièrement et vollentiers. Ne demora gaires de tamps que on traita devers les cappitaines de toutes les compaignes qui pour le tamps de lors se tenoient en Franche , et s'enclinèrent à aller che voiage parmy grant avoir que le roy Henry leur promist, et ossy au mouvoir il en eulrent, que le pappe et le roy de Franche présentèrent pour départir ats compaignons. Sy fu fait leurs espéciaulx mandemens d'estre tous ensamble en la terre de Monpellier et en le sénescaudie de Bieaukaire. Quant il furent tous ensamble, il se trouvèrent bien XXX"' corabatans , et tous les jours leur croissoient gens. Sy fu chief de cheste arm.ée le jovène conte de la Marche, aisnés fils de jadis monsigneur Jaques de Bourbon. Là estoient de Franche le sire de Bieaugeu , messire Ernoul d'Audrehem , le Bèghes de Velaines, le Bèghe de Villers, et le plus grant seigneur avoit le plus de gens d'armes desouls luy. Tous les Bretons estoient avecques messire Bertran de Claikin. Là estoient messire Olivier de Mauny , messire Jehans de Malatrait, Pierres d'Ansenis, Guillames