COMBATTRE PIERRE LE CRUEL

de Bruel , Aliot de Thalay et Thiébaut du Pont. Là estoient des compaignes messire Parducas de Labreth, Ricbai't Tauton , le bourc Camus , le bourc de Bretuel, le bourc de Lespare, le sire d'Ambetere, Naudon de Bagerant, le Petit Meschin, Espiot Batillier, Aimenion d'Ortige, Pierot de Savoie, Guiot dou Pin et Pierot de Bray et moult d'aultres que je ne puis mie nommer. Les capitaines do ces gens d'armes , pour embellir leur fait, mandèrent au roy dan Piètre par leurs lettres et ung hirault que il volsist as pellerins de Dieu qui empris avoient d'aler en Grenade et en Bellemarine , pour destruire et guerrier les incréduUes et exauchier le foy de Dieu , aministrer vivres et ouvrir son pais et tant faire que on euist cause de s'en louer. Le roy dan Piètre ne fu pas consilliés de che faire, mais leur manda que il presissent ung aultre chemin que sa terre , et, se il volloient passer en pais, il ne presissent point celle voie ; car il leur seroit au devant atout sa puissanche. Les signeurs capitaines des compagnes furent moult courouchiës de ceste response , et dirent qu'il y passeroient malgré ses dens : « Et enterons en son royalme, « de quel lés que nous voîdrons. » Sy se commenchèrent à esmouvoir environ Noël et à prendre le chemin devers Parpignant et Arragon ; car le roy d'Aragon avoit promis au roy Henry et à toutes ses gens passaiges et vivres et toute amour , car il ne désiroit aultre cose que ches gens d'armes peuissent sousmettre le roy dan Piètre et que le roy Henry venist à son entente.

Encore revinrent à ches gens d'armes grant confort de la terre du prinche, plus de IIP lanches. Sy en estoient conduiseurs messire Ustasses d'Aubrechicourt, messire Hues de Cavrelée, messire d'Aghorisses , messire Gautier Hués, messire Hues deHastinghes, messire Gaillars Vighier et Gaillart de le Mote, messire Robert Cheni, messire