LES COMPAGNIES VOKT EK ESPAGNE

Robert Brickès et Jehan Orsuelle , Bernart de le Salle , David Hollegrave et moult d'autres bonnes gens. Sy se trouvèrent en la chité de Nerbonue et là environ. Sy passèrent oultre devers Parpignant, le première chité à che costé du royalme d'Aragon. Sy trouvèrent vivres tout apparilliés de toutes choses nécessaires parmy le royalme d'Aragon à bon marchiet , mais encore ches gens de corapaigne y firent des desroys assés et ne se povoient abstenir de embler sur le pays.

Tant esploitèrent ches gens d'armes qui bien estoient XL" , que uns , que aultres, que il passèrent Vallenche-le- Grant et l'aiguë qui sépart Castille et Arragon , et reconquirent tantost toutes les terres que le roy dan Piètre avoit jadis conquis sur le roy d'Aragon. Quant le roy dan Piètre entendy ches nouvelles que Franchois , Englès , Bretons, Allemaiis, Bourguinons, Thiois, Flament, Gascon et 'gens de toutes nations estoient entrés en sa terre et avoient j à passé les pors d' Arragon et conquéroient tout devant yauls , sy manda partout gens d'armes pour aller à rencontre et combatre leur puissanche. Et quant il cuida avoir grant puissanche de gens d'armes pour résister et combatre ses ennemis , il ne trouva nulluy ; mais le déguerpirent tout l«^s hauls barons et ly fiévés de Castille , et se retrairent devers son frère le bastart le roy Henry. Et convint le roy dan Piètre fuir soudainement, ou aultrement il euist esté pris aux mains, et s'en vint en Séville la darenière et le plus lointaigne [ville] de son royalme , et là se traist atout che qu'il pot avoir d'argent et d'or et de biau jeuaulx , dont il avoit foison ; mais'il en perdy plus trois fois qu'il n'en peuist rassambler , car il avoit son grant trésor en pluiseurs villes et castiaulx parmi le royalme de Castille. Quant il fut venus à Séville, et delés luy ung chevalier tant seullement qui moult l'amoit et qui