COMBATTRE PIERRE LE CRUEL

oncques ne ly fally, qui s'apelloit dans Ferans de Castres, il entend}- que ses frères le bastart chevauchoit partout esforchiement , et l'avoient recuelliet et recuelloient tous les jours les hauls barons et les prélas de Castille et l'avoient couronné roy en le chité de Burges , et tout fait serment et hommaige. Sy s'avisa que en Sëville il n'estoit mie bien asseuré. Sy prist tostnef et barge et les fîstchergier de son avoir et entra ens , et deux belles filles qu'il avoit , Constanse et Ysabiel, et dans Ferans de Castres, et nagèrent tant par mer que il arivèrent en ung lieu que on dit la Coullongne , ung moult fort castiel , et entrues concquist le roy Henry à pau de fait tout le royalme de Castille et le royalme d'Espaigne , de Lion , de Touliette , de Corduan et de Séville , et devinrent tous sy homme et ly jurèrent foy et obéissanche à tousjours mais.

Le roy dan Piètre qui se veoit et se trouvoit au dessous et entrepiés et que tout sy hommes l'avoient relenquy excepté uns chevalier dans Ferans de Castres, se tenoit à le Coullongne. Che n'estoit pas mervellesse il estoit escachiés et esbahis et courouchiés, et se consilla à dans Ferans comment il s'en pouroit chevîr, car il ne veoit mies que de luy il peuist recouvrer son royalme. Chils dans Ferrans luy consilla que il envoiast amiablement ses lettres devers son cousin le prinche de Galles, qui se tenoit eu Acquitaine , lyquels estoit un vaillant chevalier, saiges et preudons et fortunés d'armes : « Et bien me souvient que « anchiennement le roy Allefons vostre père et le roy « Edouart son père eurent grant aliances , par lesquelles il « s'i deveroit mieulx incliner ; et, se chils vous volloit « aydier, je ne doubte mie que dans ung an vous n'euissiés « recouvré vostre royalme. » A che consail entendy le roy