S PIERRE LE CRUEL RÉCLAME

dan Piètre volleutiers , et firent lettres escripre moult piteuses et moult trai tables, et furent envoyées au prinche de Galles, qui se tenoit à Bourdiauls.

Quant le prinche tint ces lettres de par le roy dan Piètre, il les ouvry et lisy deux ou trois fois pour mieulx entendre, et fist le messaigier tout aise, Sy se traist en consail et apella les deux chevaliers que plus amoit et les plus espésiaulx de son consail, monsigneur Jehan Candos et monsigneur Thomas de Felton. Sy leur dist et lisy la lettre que le roy dan Piètre ly avoit envoiet, et puis leur demanda à avoir consail. Chil doy chevaliers regardèrent l'un l'autre, et ne volioit nul parler devant son compaigon ; car il leur sambloit que la chose estoit si grande que il doubtoient que bien à point il n'en seuissent parler ou consillier le prinche. Toutefois il convint de forche que messire Jehan Gandos parlast prumier et en desist son entente. Sy le dist et le desconsilla au prinche pour les horibles fais et inconvenables que chils roy dan Piètre avoit jadis fait à ses gens et à sa femme fille au bon duc de Bourbon , sycomme la renommée couroit qu'il l'avoit fait morir sans cause. Le prinche en crola la teste et dist que pour chou ne devoit mie demorer qu'il ne fust reconfortés puisque il le requéroit, et y estoit tenus par linaige et par alianches de jadis, et sy n'estoit mie cose deue que ung bastart fust rois, ne tenist royalme. Quant messire Jehan Gandos vit le prinche en cel estât et l'oy ensy parler, si le tint à grant vai Hanche et se dissimula ung petit et respondy : « Monsigneur, « puisque vostre affection s'estent jusques à là, je vous « consaille que vous envoies devers le roy vostre père toute « la forme de ceste besoigne, assavoir quelle chose il en « vora dire, et ausy envoies querre par gens d'armes le « roy dan Piètre à la Goullongne où on dist que il se tiègne « ou [là où] il se tenra, par quoy on sara plus plainement « quelle chose il voldra dire et faire. »