LE SECOURS DU PRINCE DE GALLES

Che consail tint le prinche à bon, et furent ordonné quatre chevaliers messire Richart de Pontcardon , raessire Estiévène de Gousenton, messire Noël Lorinch et messire Simon Burlé d'aler en Engleterre pour parler au roy son père sur cel estât que vous avés oy, et douze chevaliers et douze nefs chergies de gens d'armes et d'archiers pour aller à la Coullongne querre le roy dan Piètre. Sy se partirent de- Bourdiaulx et du prinche ches gens d'armes et ches chevaliers et leur routes , ne se ala chascun en son voiage. Messire Guillames de Felton et messire Guillames ïoursiaulx et leur routes ne seurent tant singler, ne sy tos venir en le chité de Rayonne où leur passaige estoit tout ordonné, que ne trouvaissent le roy dan Piètre qui là estoit venus et ses deus filles et son avoir ; car il n'avoit plus osé demorer à le Coullongne pour le doubtanche de son frère le roy Henry le bastart, car, luyderaorantà la Coullongne, on devoit là venir et mettre le siège. Sy furent les chevaliers du prinche moult resjoy de leur voiage qui leur estoit racourcbiés, et alèrent devers luy à son hostel où il estoit, et le honnourèrent moult et li dirent comment il estoient ordonné de luy aller quérir à la Coullongne ou plus avant , se il besoignoit, de par le prinche, et puisque il l'avoient trouvé, Dieu en euist part. Il le menèrent à Bourdiaulx devers leur seigneur le prinche de Galles.

Le roy dan Piètre qui fut moult resjoïs de ches nouvelles , s'aparilla au plus tost que il pot, et se mist en la compaignie des chevaliers et se mist à chemin , dan Ferans de Castres avecques luy en se [compaignie]. Et les chevaliers le menèrent et esploitèrent tant que il vinrent à Bourdiaux. Sy menèrent le roy dan Piètre à son hostel , et puis le menèrent devers le prinche , lequel le rechut à grant joie et le conjoy grandement ensy comme font cousin. [Le prinche honnoura] le roy que il espéroit à aidier et à