MORT DE GUILLAUME DE DOUGLAS

estoit devant Arsésille , et le roy les rechut et leur fist grant chière , et le roi de Castille ne demeura gaires de temps que les Sarasins firent une reveue sur les camps, et estoient bien trente raille en trois batailles. Là furent les Espaignos et les crestiens tout rangiet et ordonné devant eulx, et se cuidèrent ce jour combatre. Messire Guillame de Douglas, le conte de Mouret et leur route ot bien cinq cens armes de fier , et se tenoient d'un lés sur les camps , et cuidèrent bien que les Espaignos les deuissent siévir. Sy allèrent de grant vollenté commenchier la bataille as Sarasins, ensy queceulxqui avoient pluschier estredes premiers que des darains. Les Espaignos qui là estoient et qui bien les oïrent asambler as Sarasins , se tinrent tous cois sur leur pais , ne oncques ne s'en partirent , ne firent samblant de conforter les Escochois , et furent les bons chevaliers , messire Guillame de Douglas et le conte de Mouret et bien dix chevaliers d'Escoche, qui s'estoient mis en che volage pour l'amour de messire Guillame , tous mors , ne de tout leur gens n'en escappa nul , dont che fut pité et domaige et défaulte, et tout par les Castelens qui bien les eussent secourut , se il eussent voUut. Et ensy demeura le cuer du roy d'Escoche en Castille, ne il ne fu porté plus avant. Or revenons au jone roy d'Engleterre et ossy as besongnes de France.

Encore vivoit en che temps le roy Charles de France , fils du biel roy Phelippe et frère à la royne Ysabiel d'Engleterre. Cieulx roy Charles de France eut trois femmes, La première fu fille au conte d'Artois , et elle garda mal son mariage : sy morut en prison. La seconde fut fille à l'empereur Henry de Luxembourcq et seur au bon roy Chai-les de Behaigne. De ceste dame , qui estoit moult