LE SECOURS DU PKINCE DE GALLES

ses chevaliers pour lui prier qu'ils volsist estre à chelle

journée. Quant le roy de Navarre oit ces nouvelles, il eult

tantmainte imagination sus quelle chose de par luy en

estoit bonne à faire ; car il avoit du tamps passé che roy

dan Piètre trouvé sy orguilleus et sy cruel que envis luy

teroit grâce. Nequedent, tout considéret , pour l'amour du

prinche qui l'en prioit, il acorda que il y seroit , et y f u à

la journée asignée. Là furent tous les hauls barons de Poito,

de Saintonge, de Quersin, d'Acquitaine et de Gascongne.

Et fut eu la chité de Baïonne le parlement grant et

loue, et dura huit jours, et ne trouvèrent mies, du commeu-

chement, les parties du prinche et du roy dan Piètre , ne

du roy de Navarre [traitiet] bien descendant à leur pour-

pos , et n'en volt riens faire [le roy de Navarre] jusques à

tant que [il ot] toute la terre qui est par dechà les Pors

et delà et la terre du Groing jusques à Navaret , et lors luy

fu acordée et donnée, et en fu signeur, et [ot] bonnes lettres

sellées et confrumées du roy dan Piètre , et de che se

faisoit fort le prinche. Par ches convenanches et ordon-

nanches le roy de Navarre devoit ouverir son pais et ame-

nistrer vivres, lesquels vivres les gens du prinche pairoient

sans nul préjudisce, et pour chou que il ouveroit son pais,

il ne pooit demorer qu'on ne ly fesist aulcune violense, et

on luy pairoit VI" mille frans, lesquels on li devoit envoler

à Panpelune dedens le terme que le prinche volloit partir

de Bourdiaus pour aller en che voiage. Quant toutes ches

coses furent bien faites du tout au gret et ordonnanche du

roy de Navarre , on parla sur autre pourpos : che fu que

les barons et chevaliers de Gianne qui là avoient esté

appelles , voulrent savoir qui les pairoit. Le roy dan Piètre

leur respondy que très-vollentiers il les pairoit et que c'es-

toit raison, puisque il s'ensonnioient pour luy ; mais il

refusèrent et li dirent bien que jà sur son paiement il ne