LE ROI DE MAJORQUE A BORDEAUX

il atendoit cent mille frans du roy d'Engleterre, son père, lesquels cent mille francs le roy de Franche paya en rabatant de la somme que il devoit au roy d'Eugleterre, et luy furent aportés à Bourdiaulx. Avecq tout che madame la princhesse estoit grosse de vif enfant. Sy euist volentiers veu le prinche que elle fust délivrée, anchois qu'il se fust mis au chemin, ensy que elle fist, sycomme vous orés recorder assés briefment en ches croniques.

Le voiaige du prinche de Galles , que il devoit faire en Espaigne , estoit si notablement congneus et sceus ens es royalmes chrestiens que les seigneurs ne parloient d'aultre chose. Et avoit en che tamps à Naples ung joeune seigneur que on disoit l'enfant de Maïogres, lequel avoit à mouUier le fille de la royne de Napples. Chils sires s'apelloit Jaimes et roy de Maïogres , et en venoit et dessendoit de droite ligne , car son père en avoit esté roy ; mais le roy d'Aragon par puissanche l' avoit prins et tenu en prison , et tant l'y tint que il y mourut. Sy avoit le roy d'Aragon pris et atribué tout le royalme de Maïogres à luy, les fois et les hommaiges des chités et des villes , des ylles et des chevaliers et gentilhommes et de tout le païs. Dont chils jovènes signeur dessus nommés , pour recouvrer son hiretaige , s'avisa que il venroit vers le prinche et se m étroit en sa compaignie et ly feroit tant de serviche que le prinche aroit cause de iuy aidier contre le roy d'Aragon. Sy se party de Naples et fist tant par ses journées que il vint à Bourdiaulx-sur-Géronde et s'acointa adont sy bien du prinche que le prinche lui seut bon gré de sa venue, et, ly promist foy et amour et compaignie , et dist ensy : « Sire « roy , vous venrés avecques nous en che voiage , et, che « accomply , nous vous jurons que nous vous ferons tout