ARMEMENTS DU PRINCE DE GALLES
« OU eu partie recouvrer vostre royalme. » Ensy demora le roy de Maïogres delés le prinche, et tenoit son hostel d'une part et de ses gens en l'église des Augustins dehors les murs de Bourdiauls.
En che tamps que ly parlement sont en Engleterre par usaige et tondis à le Saint-Miquiel, envoia le prinche de Galles lettres au roy son père et à son consail que jusques à IlIIe lanches et M archiers on luy fesist envoyer pour renforchier son armée. Le roy d'Engleterre et son consail le firent très-vollentiers ; car il sentoient que il estoit vaillans et bien fortuné chevalier. Sy ordonna que le frère du prinche yroit , nommé Jehan de Lenclastre , et enprist la cherge des gens d'armes et des archiers. Et dist que il voUoit aller en che voiage avecque son frère le prinche. De che ly seurent le roy et la royne et les barons d'Engleterre moult grant gré , et se ordonna et fist ses prouvéanches pour monter au havre de Hantonne et ariver en Bretaigne.
Le roy Henry se tenoit en Castilie ' pour le
faveur du roy de Franche et des chevaliers de Franche , et tous les jours ly venoient nouvelles que le prinche de Galles , pour furnir son voiage, acquéroit gens et amis de toutes pars , et eu parla par pluiseurs fois à Bertran de Claiquin , et messire Bertran ^luy respondy bien à point et ly disoit : « Chiertes , monsigneur, le prinche est de sy « haulte emprise que nullement il ne lairoit que il nefaiche (( son voiage. Sy vous prouvées ossy selonc che. » Sy fu adont ledit messire Bertran pryés et ordonnés de par le roy Henry que il se volsist tant travillier que de venir en
' Lacune de quelques mots.
458 NAISSANCE DE KICHARD, FILS Dti PRINCE DE GALLES.
Franche faire asavoir à tous chevaliers et escuiers que , se il volioient venir en Castille, il seroient les bien venus et payât tout contant de leurs gaiges. Messire Bertran qui jamais ne l'euist refusé, acorda tout che légièrement et puis vint en Aragon , où le roy li fist grant chière, et de là à Toulouse où le duc d'Ango se tenoit , qui ossy ly fist bonne chière et le rechut moult amiablement, car moult l'amoit , et s'en vint avecque luy par compaignie en Avignon veoir le pappe et le collège , et puis vint-il en Franche , où le roy le rechut à grant joie, et là enforma messire Bertran tous chevaliers et escuiers qui demandoient les armes et qui désiroient à avanchier leur honneur , que il se volsissent traire vers Castille pour mouvoir et partir quant il se partiroit, et il y aroient honneur et grant proufit. Et pluiseurs chevaliers et escuiers à le infourmation de monsigneur Bertran descendirent et ordonnèrent leur besoigne , et se partirent de leur hostel et se mirent au chemin devers Espaigne , et ly pluiseurs ossy atendirent ledit messire Bertran.
Moult avoit le prinche de Galles grant affection de faire che voiage en Espaigne , et n'estoit homme des siens qui ly desconsillast. Le prinche estoit lors en fleur de se jonesse: sy tiroit toudis son esprit en toute chose d'onneur. Or euist ledit prinche vollentiers veu ains son département que madame la princhesse sa femme fnst acouchie, car elle estoit moult enchainte , et tant atendy que la dame s'ajut d'un biau fil , qui fu appelle Richart. Le jour des Trois-Roys vint-il sur terre à heure de tierche , qui en che tamps fut par ung merquedy. De la nativité de chel enfant furent tout chil qui le prinche araoient , moult joieulx, et fu baptisiés le venredy après de l'archevesque
