LE PRINCE DE GALLES A DAX

de Bourdiauls , et le tinrent sur les fons l'ëvesque d'Agen et le roy de Maïogres.

Le dimanche ensiévant se party le prinche de Bourdiauls, et ossy toutes manières de gens d'armes, et se mirent au chemin et s'en vinrent en le chité de Dax. Là s'arestèrent. Le prinche' dist qu'il n'iroit plus avant, sy seroit son frère le duc de Lenclastre venu , car il avoit entendu que il estoit arivé en Bretaigne atout IIP lanches et V'' archiers ; mais il fist passer oultre toute manière de gens de compaigne pour estre chascun raieulx logiés à son aise.

Or vous parlerons du duc Jehan de Lenclastre, qui estoit en Bretaigne. Quant il se fu rafreschy delës le duc de Bretaigne en la cité de Nantes quinze jours et il seut la vérité que ses frères le prinche estoit partys de Bourdiauls et avoit pris le chemin de Navarre pour aller en Espaigne, il se party de Nantes atout ses gens et se mit à chemin et passa parmy Poito et Saintonge , et fist tant que il vint à Bourdiauls , où il fut des bourgois de la chité rechut à grant joie, et ossy de madame la princhesse, et alla par devers elle ; et ledit duc ne séjourna point longement à Bourdiauls, mais se mist au chemin, et fist tant par ses journées que il vint en la chité de Dax , où le prinche l'atendoit. Sy eult là adont entre yauls frères grant congnissanche. Ensy s'avanchoit le voiaige du prinche, et se tenoient, que en le cité de Dax, que ens ou pais, toutes manières de gens d'armes. Et vint là à Dax le conte de Fois devers le prinche et le duc de Lenclastre, et là y eult par deux jours samblans et approchemens d'amours, et recommanda le prinche toute la ducé de Guianne en la garde du conte de Fois, et puis s'en retourna le conte de Fois en son pays. Et encore demorèrent là toute l'armée