LE PRINCE DE GALLES TRAITE AVEC LE ROI DE NAVARRE
du prinche , et estait le priiiche tout esmaiés de che qu'il u'ooit nulles nouvelles du roy de Navarre qui leur avoit eu convent de ouverir les passaiges ; mais on murmuroit en l'ost qu'il s'estoit tournés devers le roy Henry, de quoy le prinche et le roy dan Piètre estoient tout mërancolieus.
En che séjour que le prinche faisoit à Dax, messire Hues de Cavrelée et ses gens s'avanchèrent et prirent le chité de Mirande et le ville du Pont-la-Royne, de quoy tout le pais de Navarre fu durement effraés , et ledit roy de Navarre courouchiés , et envoia tout le fait devers le prinche ; mais le prinche s'en passa assés briefment et n'en fist ensy que nul compte et manda au roy de Navarre que il se venist escuser. Mais il n'y ala mie ; mais il y envoia le plus espésial chevalier qu'il avoit, messire Martin de le Kare , lequel vint à Dax devers le prinche et l'escusa de tout , et se portèrent adont chertain traitiet que il feroit son seigneur de Navarre venir à Saint- Jehan-du-Piet-des-Pors, et le prinche envoiroit là son conseil pour savoir plus plainement toute son intention. Sy retourna en Navarre ledit messire Martin et vint devers son signeur le roy et ly remonstra tous les traityés, et ala le roy à Saint-Jehan-du-Piet-des- Pors , et le prinche envoia là le duc de Lenclastre et raonsigneur Jehan Candos. Si eurent en la dite ville de Saint - Jehan grans parlemens ensamble , et finablement il furent sy bien d'acort ensamble que le roy de Navarre ala avec les dessus dis à Dax devers le prinche : de quoy le prinche et le roy d'Espaigne et tous les seigneurs furent moult resjoy, et se ordonnèrent par le commandement des marisauls à passer oultre.
Tout chil traitiet et chil parlemens et ches ordonnanches estoient seus en Franche , de quoy, quant messire Bertran
LE PRINCE bE GALLES ENTKE EN NAVARRE. 441
de Ciaiquin entendy que le prinche se hastoit de passer , sy se hasta ossy d'aultre part, et prist congiet du roy d'Aragon, où il s'estoit ung grant tamps tenu. Sy se mist au chemin atout IIII'" combatans pour venir en Castille devers le roy Henry.
Entre Saint-Jehan-du-Piet-des-Pors et la chité de Panpelune sont les destrois de Navarre et les montaignes qui sont moult diverses et périlleuses à passer. Sy avisèrent les seigneurs que nullement sy grant hoost qu'il menoient, ne pouroient passer fors par trois batailles et par trois jours. Sy passèrent le lundy chil de l'avangarde que le duc de Leuclastre conduisoit, et le connestable messire Jehan Candos à XVP pennons tout de sa devise et de sa cherge, et ly doy marescal avecques le pennon saint Jorge, messire Guichart d'Angle et messire Estiévène de Gousenton, et là avoit grant foison de bons chevaliers. Sy eulrent che jour de hommes à cheval qui bien estoient montés , X'", et y avoit moultes-troit passaige et moult dur. Toutesfois, Dieu merchy, il passèrent et se logèrent che soir en le comble de Panpelune. Le mardy passa le prinche de Galles et le roy dan Piètre et le roy de Navarre, messire Loys de Harcourt et ly baron de Poito et de Saiutonge, et estoient bien XII" chevaulx, et eurent assés courtois passaige. Le merquedy passèrent le conte d'Erminac , le conte de Pierregord, le conte de Comminges, le visconte de Quarmaing, le captai de Beus, le sire de Labreth, le sire de Clichon , messire Robert Canolle et pluiseurs aultres et toutes les remanances des compaignes, et estoient bien XV™ chevaulx ; sy eulrent moult dur et félon passaige et trop plus que les aultres n'eurent. Toutes-fois il furent tout oultre et se logèrent en le comble de Panpelune, où il trouvèrent par
