LE PRINCE DE GALLES A SALVATIERRA

de ville à aultre de monsigneur Olivier de Mauny, breton et nepveu à monsigneur Bertran de Claiquin. Quant le congnoissanclie en vint au prinche, sy en fu durement esmervilliés et eult en couvent à la royne de Navarre sa cousine que, se il proufitoit en che voiage , li rois de Navarre son marit y partiroit.

Or fu gouverneur de tout le royalme de Navarre messire Martin de le Kare.

Sy se départy le prinche du pais de Panpelune où il estoit logiet, et passèrent parmy ung pas que on dist de Sarris, et puis parmi un pais que on dist Épuske, où il trouvèrent moultpetit de vivres et tout sus le chemin jusques atant qu'il vinrent à Sauveterre. Geste ville de Sauveterre gist assés en bon pais et gras et est à l'issue de Navarre et à l'entrée d'Espaigne, et se tonoit lors pour le roy Henry ; mais si tost qu'il sentirent le prinche et le roy dan Piètre venu, il se tournèrent et se rendirent au roy dan Piètre , et s'alèrent là logier les seigneurs , et l'ost s'espardy ou pays de là environ.

Nous parlerons de messire Thumas de Felleton et de ses gens [qui estoient] à Navaret, et conterons comment il exploitèrent.

Ches nouvelles vinrent au conte dan Tille , frère au roy Henry, qu'il y avoit gens d'armes à Navaret, qui souvent yssoient hors. Sy eult grant désir que il les peuist trouver et envair, et vint ung soir à son frère le roy Henry, et ly pria que il luy donnast congiet de chevauchier par devers Navaret, pour aprendre du convenant du prince et de ses gens. Le roy Henry ly acorda. Dont se prouvey le conte dan Tilles de bonnes gens d'armes, et furent bien