DÉFAITE KT MORT DE THOMAS DE FELTON
VI™ , et y alla messire Ernoul d'Audrehem, le Bèghes de Vellaines et pluiseurs aultres chevaliers de Franche et d'Aragon, et y euist esté messire Bertrau de Claiquin ; mais le roy ne le veult point consentir pour tant que il estoit tout droit descendu, Ensy se party le conte dan Tilles à Vl"" hommes à cheval, et chevauchèrent tout devers Sauveterre et se logèrent ung soir ens es bruières. A l'endemain bien matin estoient yssut les Englès, et allèrent tant et si avant que il encontèrent les ennemis. Quant il virent que combatre les convenoit et que le routte des Espaignos estoit sy grande et sy grosse au regard d'ieaulx, sy se tirèrent sur une montaigne que les Espaignos cuidoient prendre, mais les Englès en eurent l'avantaige, et là se rengièreut et se ordonnèrent , et les Espaignos et Castellain tout devant yauls. Là fîst messire Guillames de Felleton une moult grant entreprise ; car il se party de ses gens en esporonnant le cheval et en abaissant sa lanche , et s'en vint férir entre les Espaignos et consiévit ung Castillois que on apelloit Ferrant , et ly passa la lanche tout parmy le corps et l'abaty là tout mort. Là fu avironné des Espaignos et fièrement asallis, et son cheval ochis, et là fist ledit chevalier mervelles d'armes, mais il y fu ochis. Adont s'en revinrent les Espaignos as aultres compaignons qui se tenoient tous ensamble sus la montaigne, et les envairent et assallirent fièrement, et leur lanchoient archigaies et leur faisoient moult de mauls, et lesdis Englès se deffendoient moult vaillaument, et dessendoient à le fois de le montaigne et se venoient fraper en ches Espaignos et les reculloient, et puis retournoient sus leur montaigne. En che commenchement furent-il jusques à basse nonne que le conte dan Tilles dist : « Et vous , seigneurs, que « faites-vous ? Nous tenront mèshui une poignie de gens ? « Nous les deverismes ore avoir tous mengiés et devourés.
446 LE PRINCE DE GALLES PASSE l'ÈBRE.
« Or avant, avant ! » Adont s'avanchèrent Espaignos , Castelins et Franchois de grant vollenté, et les envaïrent et assallirent fièrement de tous lés , et les rompirent par forche. Là furent chil chevalier et leur gens tout prins ou mors. Oncques nul ne escapa , et furent ou dangier du conte dan Tille , qui au soir les remena tous joieulx en l'ost du roy Henry, son frère, et l'en fist présent , lequel roy Henry en eult grant joie et en fist ses parolles grandes, et dist que tous les aultres venroient par che pas : de quoy messire Ernoul d'Audrehem l'en rabaty et dist : « Monsi- « gneur, sauve vostre grâce , ne voelliés point parler sy « largement sur vos ennemis pour vostre honneur ; car « encores ne savés-vous que il vous avenra , car là en le u compaignie du prinche est toute la fleur de chevallerie « du monde. Là trouveront bien vos gens à qui respondre « et combatre. Mais , se vous voilés faire une chose que je « vous diray, que vous fesisiés clore les passaiges et bien « garder , vous veriés le prinche retourner à grant con- « fusion. » Adont respondy le roy Henry, et dist que point il ne feroit ensy , mais se volloit combatre à la puissanche du prinche : «Car pourquoy ? Je ay bien cent mille hommes « qui ont juré et promis que pour morir point ne me faute roient , et, se je puis desconfire le prinche et sa puis- (( sanche , je seray le plus honnouré roy du monde. » Ensy se cessèrent les parolles , et eurent che soir conseil en l'ost qu'il se deslogeroient et que il yroient l'endemain devers Nazres ens es bruières près de leur ennemis.
Quant le prinche entendy que le roy Henry l'aprochoit tellement , sy dist sy hault que tous l'oirent : « En che « bastard Henry a vaillant homme , ([uant ensy il nous « quiert pour combatre , et puisque nous quérons l'un
BATAILLE m NAJARA.
(( l'autre, nous nous deverisraes teraprement trouver et « combatre. » Adont apella le prinche ung clerc, et fist escripre une lettres adreschans au roy Henry sur le forme des pruinières lettres , et quant elles furent escriptes et sellées , on les bailla à ung hirault da roy Henry qui les. aultres avoit aportées, et ly firent donner au départir le priuche et le duc de Lenclastre et les seigneurs dons qui bien valloient trois cens florins. Sy s'en retourna le liirau qui avoit séjourné en l'ost du prinche trois sepmaines, et raporta les lettres dont le sustanche estoit ensy que le prinche apelloit le roy Henry conte de Tristemare et moult l'onnouroit en ses paroUes et disoit que il veroit vollentiers que il fussent d'aco'rt entre luy et le roy dan Piètre son frère ; mais il convenoit que il desjaissast le couronne, che que le roy Henry n'euist jamais fait.
De ches lettres, ne de le puissanche du prinche ne fist raie le roy Henry trop grant conte ; car il se confioit tant en ses gens que il pensoit bien à desconfire le prinche et se puissauche ; et le prinche qui s'estoit tenu ung grant tamps enmaulvais païs, se loga et retourna par ung aultre pais, et s'en vint passer la rivière au pont au Groing, et puis se logèrent lui et ses gens delà le Groing desoubs les oliviers, et le roy Henry estoit à Nazres à quatre lieues de là. Sy entendirent moult tost l'opinion l'un de l'autre par leurs coureulx qui coururent cheUe journée sy avant que il perchurent toutes leurs hoost, «t se logèrent che venredy et se tinrent en l'ost le roy Henry tout aise, car il avoient bien de quoy ; mais en l'ost du prinche avoient grant famine, et valloit ung pain ung florin : encore n'en povoit-on trouver.
Quant che vint le saraedy sus l'aube du jour, le princhis oit messe, et tout chil qui le volrent oïr, et fist sonner se"s
trompes et armer toutes ses gens, et puis ala sur les camps, et là ordonna ses batailles et en fîst jusques à trois, tout en telle manière que avoient fait les ennemis, qui ossy en telle manière avoient ordonné che matin leurs conroys, et cheminèrent tant que il vinrent l'un à l'autre, et adont s'arestèrent tout quoy. Sy dessendirent les Englès et les Gascons de leur chevaulx et se mirent tout à piet sur le sablon, banière et penon devant yaulx. Là dist le prinche de Galles à ses gens : « Signeurs, vous veés vos ennemis qui ont grant « largesse de che [de quoy] nous avons dëfaulte, Sy voelliës « hui tant faire par bien férir de Tespée que vous le con- « querés sus yauls. » A ches paroUes vint devers luy messire Jehan Candos qui estoit en le première bataille avec le duc de Lenclastre [et] les mariscaulx, et porta sa banière toute envollepée au prinche et li dist : « Monsigneur, vechy « me banière que je vous aporte. Sy le vous plaise à moy « bai Hier et desvoUeper ; car j'ay terres et chevauche assés « pour le parmentenir. » Adont le prist le prinche et le desvollepa et ly rendy par le hanste et dist ensy : « Tenés, monsigneur Jehan Candos. Dieu vous en laist « vostre preu faire ! » Lors le prist et se party Candos du prinche, et reporta sa banière toute ventelant, et le raist entre ses gens qui en eurent grant joie , et leur dist : « Signeurs, vechy ma banière et le vostre. Or le gardés « pour nostre honneur et le vostre. » Et tout ly eurent en convent. Sy le porta che jour ung escuiers que on apelloit Jehan Alleri, et là eult fait de rechief par le bataille pluiseurs chevaliers et plus de IIP. Le prinche, quant en deubt assambler, regarda sus le roy dan Piètre et le prist par le main droite, et dist : « Sire rois, aujourd'uy verés- « vous se jamais ares riens au roialme de Castilîe. » Et puis dist à cheluy qui portoit sa banière : « Aies avant au « non de Dieu et de saint Jorge. » Et lors aprochèrent les banières, et se comraenchèrent les batailles à asambler.
