DE NAJARA

La bataille du duc de Lenclastre et de messire Jehan Candos et des raariscaulx s'en vinrent asambler à le bataille de messire Bertran de Claiquin et de monseigneur Ernoul d'Audrehem et des Franchois , où bien avoit IIII'" hommes d'armes , que de Franche , que d'Aragon , que de Castelongne ; et la bataille du prinche et du roy dan Piètre s'en vinrent assambler à le bataille du roy Henry et du conte dan Tille et du conte Sanse , où bien estoient XL"" hommes , que uns, que aultres, parmy les géneteurs qui bien estoient VII™ , tous montés sur chevaulx couvers , et tenoient ars et archigaies , dont il lanchoient , et firent à l'assambler moult de mal as Englès. La bataille du roy de Maïogres où grant foison avoit de bonnes gens , le conte d'Erminacq , le sire de Labreth, le captai de Beus , le signeur de Lespare , le signeur de Clichon et les aultres s'en vinrent assambler as Espaignolset Aragonois, desquels le visconte de Roquebertin, le visconte de Rodais , le maistre de Calatrave et le prieur de Saint-Jaques estoient chiefs et meneurs. Quant toutes ches batailles se furent assamblées , sy eult grant toullis et dur rencontre , et la bataille où messire Bertran de Claiquin estoit, les Françoys avecques luy , fu la mieulx combatue et qui le plus longement dura et où on fist plus de grant fais d'armes ; car chil chevaliers de Franche et escuiers se tenoient tout joindant et serretensamble, et boutèrent de leur lanches fort et roit , et ne les peurent pas ouvrir légièrement ; et , se ly Espaignos et Castelens se fussent à leur advenant ossy bien acquité, il eussent porté as Englès et as Gascons plus grant damaige qu'il ne firent.

Ensy que vous .povés oïr recorder, s'entrelachèrent et assamblèrent ches batailles. Sy vous dy que le roy Henry avoit là moult grant peuple et grant foison de gens d'armes et d'aultres ; car, sy tost que ly pluiseurs eulrent senty les