XVII. — FROISSART

450 BATAILLK

saiettes , il commenchèrent à refuser. Là estoient Espaignos et Catheloing [qui] jettoient de fondes pierres et lanchoient de dars et d'archigaies, dont il navroient et blechoient et ochioient pluiseurs gens du princhc. Et quant toutes les batailles se furent encontrées et mises ensamble, il y eult grant estequis et toullis , dont il avint que en le presse messire Jehan Candos fu abatus , et quéit un Castelan sur luy , qui s'apelloit Martin Ferans, qui metoit grant entente à luy ochire , et l'euist fait sans faulte , car il estoit fors bons et poissans durement. Sy ne se povoit messire Jehan Candos ravoir à son aise , quant il luy souvint d'un coutiel d'armes qu'il portoit à son costë. Sy le saqua et en féry cheluy entre deus espaulles , et luy consiévy sy dedens. Quant Martin se senty ensy navrés, sy fu tous esperdus et perdy sa forche et se laissa cheoir. D'aultre part adont se leva messire Jehan Candos et féry cheluy de rechief et fîst tant que il le partua , et ses gens se combatoient d'aultre part asprement, et- y entendoient chascun ensy que pour luy.

Ensy que au commenchement de le bataille et que on ne s'estoit encores gaires corabatus , le conte dan Tille, frère au roy Henry, se party de le bataille à plus de Vil*" hommes à cheval. Che afoibly et espoenta moult fort le demorant, et quant le roy Henry vey ensy une partie de ses gens partir , sy en fu moult courouchiés. Pour chou nevoult-il mie partir de le bataille, maisaloit au devant des fuians et leur disoit : « Bieau seigneurs , vous m'avés fait « roy de Castille et m'avés juret que pour morirvous ne me « fauriés , et sy ne me tenés mie che que vous m'avés en « convent ; car je vous voy branler et fuir et en maulvais « convenant. Pour Dieu , retournés-vous et vous com- « bâtés à vos ennemis ; car je ne vous habandonneray « pour chose qu'il adviègne. » Chesparolles et aultres que