I>F. NAJARA

li roy Henry disoit che jour, tinrent en vertu moult longement les Espaignos et Chastelens , et les remist sus par deux fois ; mais fiuablement il ne peurent porter, ne soustenir le puissanche du princlie, car là estoinet en sa compaiguie et sus les camps tous les meilleurs et les plus vaillans combatans du monde. Sy convint les Espaignos fuir et guerpir la plache , et prirent la plus grant partie leur chemin devers la chité de Nazres et se cuidoient là saulver ; mais les Englès et les Gascons les siévirent de sy près que il en firent sallir en la rivière de Nazres plus de IIII" qui tout furent perdus , et sur le pont du la cité eult moult grant ochision et grant encauch , et n'en furent pas les Espaignos maistre , mais les gens du prinche qui entrèrent en la chité ; et là eult grant persécution d'ommes et de femmes et d'enfa.ns, car nul n'estoit pris à merchy.

Vray est que le roy Henry, sy trestost qu'il vey la grant desconfiture et que ses gens sans remède estoient perdus, il monta sur ung coursier moult apert et se party de la bataille et se sauva, et ne tourna en ville, ne en castiel qui fusten Espaigne ; car bien savoit qu'il ne s'y avoit que faire d'enclore, et prist le chemin d'Aragon, et aulcuns qui se sauvèrent avecques luy, en sa compaignie,

Messire Bertran de Claiquin, messire Ernoul d'Audrehen et tout ly chevaliers et escuiers estraigniers qui s'estoient mis ensamble, ne se partirent point, mais se combatirent moult vaillaument tant qu'il peurent durer, et furent tout prins ou mors. Sy esquéy ledit Bertran à estre prisonnier à monsigneur Jehan Candos (aultre fois l'avoit-il eu prisonnier), et messire Ernoul d'Audrehen as gens du duc de Lenclastre. Là furent prins le Bèghes de Vellaines, le sire de Bergetes, messire Gavain de Bailleul et pluiseurs aultres chevaliers, que escuiers, de Franche et de Haynau, messire AUart de Briffuel, messire Hughes deMellun, le sire d'An-