BATAILLE DE NAJARA

toing, et se y fu mors messire le Bèghes de Villers et plus de cent chevaliers, que escuiers, du pais francliois, et du costé des Engiès messire Raouls de Ferrières. Et furent prins le conte Sanses, frères au roy Henry, et messire Gomès Garils, le visconte de Roquebertin, le visconte de Rodais, le mestre de Caletrave et plus de trois cens grans seigneurs d'Espagne , qui n'estoient mie aseur de leur teste. Et en y eult mors environ VII à VIII" sans les noïês, dont on ne seut point le conte. Et furent les Engiès mestre et signeur de la ville de Nazres qui fu toute pillie et robëe.

Geste bataille fu en Espaigne devant la chité de Nazres l'an de grâce mil IIP LXVI, le IIP jour de [avril], qui fu par ung samedy.

Après ceste bataille et que les camps furent tout délivres, le prinche de Galles fîst mettre sa banière hault en ung buisson, par quoy ses gens se raliaissent, ensy qu'il firent. Asês tost après vint le roy dan Piètre tout à piet devers le prinche, et l'enclina et se volt agenouiller ; mais le prinche alla tantost au devant et ne le voult mie consentir. Adont dist le roy dan Piètre : « Cher cousin, je vous « doy toute honneur et toute révérense ; car par vous et « vostre graut proesse avons-nous recouvré le royalme de « Castille. » — « Sire roys, respondy le prinche qui fu « moult saige, ne m'en donnés nulle loenge, mais à Dieu « dont la victoire vous vient. » Sy se tinrent en cel estât, et parlans d'une chose et d'aultre, tant que la plus grant partie des signeurs furent venus devers le prinche, et puis se trairent ensy que à heure de basse nonne ens es logis du roy Henry, où il trouvèrent des vivres bien largement et tant que il en furent tout sollés et tout aises, et passèrent ensy là celle nuit.

Le dimanche au matin vint le roy dan Piètre devers le