BATAILLE DE MONTIEL

« atendre et de les combatre par ordonnanche , selonc che « que il sont grant foison, je n'y voy riens de bien pour « vous. » Che consail fut tenus. Adont on eslisy par bon advis tous les meilleurs combatants que il [y] eult, et furent environ VU"". Et sy en demora V'" devant TouUette en le garde du conte Sanse. Sy se party le roy Henry à toute ses gens, et chevauchoient coieraent, et avoit ses espies devant, qui raportoient de jour et de nuit le conduite de ses ennemis ; et tant firent que à quatre journées près de Toulette, le roy Henry et messire Bertran entendirent que le roy dan Piètre chevauchoit luy et ses gens sans ordonnanche et moult espars. De ches nouvelles furent-il moult joieulx, et adont ordonnèrent leur gens, un soir, ensy que pour combatre, et l'endemain, quant che vint au matin, le roy Henry et messire Bertran et toute leur gens chevauchièrent rengiet et ordonnés syque pour entrer en bataille , et encontrèrent sur les camps les gens du roy dan Piètre, qui chevauçoient par routes et par compaignies, moult esparsement et sans guet ; car de che ne se donnoient garde, et estoient ly pluiseurs désarmés. Sy furent moult esmerveiliés et esbahis, quant il veirent en leur encontre sy belle gens d'armes, et n'en avoient oyt nulles nouvelles. Le roy Henry et ses gens commenchèrent à cryer : « Castille au roy « Henry ! » et « Claiquin à messire Bertran ! », et cascun seigneur de son costé son ensaigne. Là eult grant bataille et dur rencontre, et moult de gens reversés par terre et mors." Peu en y eult de pris ; car chil du roy Henry les metoient tout à l'espée. Et furent briefment les gens du roy dan Piètre tout desconfls, et la plus grant partie mors sur les camps, et dura la chaclie plus de six lieues, et convint le roy dan Piètre fuir, aultrement il euist estet pris, et n'eut plus [consail] que de luy sauver, luy XIP, en ung castiel qui près de là estoit, lequel on appelle Montuiel ,