BIOUT DE PIERRE LE CRUEL

et en estoit signeur ung chevalier qui se nommoit conte de Montuiel , et requelly le roy dan Piètre et ses gens, Juy XIP tant seulement.

Quant le roy Henry sceut que le roy dan Piètre estoit là entrés en che castiel , sy en fu moult joieulx , et ordonna toutes ses gens de logier là environ et de faire grant gait de nuit et de jour, par quoy il ne leur puist escapper ; car estoit son entente que jamais de là ne partiroit , sy l'aroit, comment qu'il fust. Ensy furent là quatre jours.

Le roy dan Piètre se veoit là enclos en chelle forterèche, qui petitement estoit pourveue (car de tous vivres il n'avoit point pour quinze jours) , dont il estoit moult esbahis, et eult imagynation et consauls comment il poroit user et partir de là sauve sa vie. Sy me samble , ensy que je fus adont informés , que le sire de Montuiel luy impétra adont ung àpointement fait devers ung grant baron de l'ost , qui faisoit le gait à son tour , et le devoit chils barons luy XIIP mettre hors de tout péril parmy soixante mille florins qu'il devoit avoir. Sur che conduit et ordenanche se aseura bien le roy dans Piètre. Faire ly convenoit , car il estoit sy astrains que plus ne se pooit tenir , et se party et toute ses gens, environ heure de minuit dudit castiel.

Celle propre nuit faisoit le gait le Bèghes de Vellaines. Je ne dich mie que che fust chils sus quelles asseuranches il se mettoit hors , car il Teuist trahyt ; mais che fu chil qui le prist à l'issyr du castiel, et furent tout chil pris, qui avecques luy estoient , et les envoia le dit Bèghes en son ' logis , comme ses prisonniers. Sy n'eurent gaires là estet , quant le roy Henry bien acompaigniés , à torses et falos , entra en la loge et en le cambre où son frère le roy dan