DIFFÉRENDS DU PRINCE DE GALLES

Piètre estoit , et entrant yreusement , il demanda : « Où « est le fils de pute jus, qui s'appelle roy de Castille ? » Le roy dans Piètre , qui oy le vois de son frère et entendit ches paroUes , senty bien qu'il estoit mors , mais nul compte n'en fist, et respondy enhault à son frère le bastart en soy tirant devers luy et en faisant chière de lion : « Mais tu es fils de pute , car je suis du sauc du bon roy « Alphons. » Et à clies mos il l'embracha et le reversa sur une amberde que on dist en Franche ung lit de matelas de soie, et le jetta desous luy, et traist ung coutiel et l'euist ochis sans faulte, quant le viscontede Rockebertin se traist avant et lepristpar le piet dederière et le reversa jus d'autre part sus le lit du bastart Henry, Adont y eult, qui ly bouta (au roy dan Piètre) une espée ou ventre tout oultre le corps. Ensy morut le roy dan Piètre ; et fu là ochis ung escuier englès qui s'appelloit le Vers Escuier, pour tant que il se mist à defFense, et plus n'en y eult de mors, et fu le roy dan Piètre trois jours sans ensevelir, dont che fu pité. Ensy vint à chief le roy Henry de sa guerre et retourna devant Toullette, et se rendirent chil de Toulette osy tos que il seurent la mort du roy dan Piètre ; et ossy firent tous chils d'Espaigne , de Castille , de Corduan, de Gallise, de Lussebonne et de Séville, et lui firent tous foyaulté et hommaige, et le tinrent depuis à roy tant qu'il vesquy.

Nous retournerons et parlerons du prinche de Galles et d'Acquitaine , et conterons comment il parsévéra et des dures fortunes qui luy souvinrent depuis son retour d'Espaigne.

Assés tost après che qu'il fu retournés , ses frères le duc de Lenclastre retourna en Engleterre et remena toute ses gens. A son retour, il trouva en Engleterre le duc