ET DES BARONS DE GASCOGNE

Aubert de Haynau qui estoit venus veoir luy XXX^ de chevaliers le roy son oncle et madame la royne sa tante et ses cousins leurs enfans. Sy en fu la feste renforchie.

En che tamps fu fait le mariage de monsigneur Lion d'Engleterre, duc de Clarense, et de la fille au signeur de Melau monsigneur Galias, et fu accordés.

Or parlerons du prinche de Galles. Sycomme vous avés chi-dessus oy recorder, quant il fu retournés d'Espaigne , il fut moult endebtés ; car ou dit voiage il avoit esté à grant frais, et mal l'en avoit acquitet le roy dan Piètre, pour lesquelles choses il estoit moult mérancolieulx ; car son estât ne volloit-il point amenrir, mais toudis acroistre, et se paiast vollentiers toutes manières de gens, d'armes et de compaignes, mais qu'il euist largement de quoy, siques sus cel estât il fîst et assarabla pluiseurs fois ses gens, et parlementoit en pluiseurs lieus en Acquitaine pour savoir comment il s'en pouroit chevir et desduire.

En che tamps avoit le prinche [pour] canchelier et mestre [ung] consillier englès qui estoit prélas et évesque de Bade.Chils luy consillade eslever une taille en son païs d' Acquitaine à paier par an chascun feu demy florin et le riche porter le povre. Quant ceste ayde vint à la congnoissanche des prélas et des barons de Gascongne , sy leur tourna à grant contraire, et en respondirent ly pluiseurs que jà en leur terre ne courroit. Sy se détria ceste cose ung grant tamps, et se dissimulèrent aulcun signeur de Gascongne qui estoient jà entré en le indignation du prinche pour che qu'il ne voloient point laissier courir celle taille en leurs terres, et s'en vinrent ly pluiseurs en Franche, tels que le conte d'Erminac, le sire de Labreth, ses nepveus, le conte de Pieregorth, le conte de Comminges, le visconte de Quarmaing, messire Bertran de Tharide, le sire de Labarde et pluiseurs aultres, et eurent secrès traitiés et parlemens au