DIFFÉRENDS DU PRINCE DE GALLES

roy de Franche et au duc d'Ango, et se voUoient du tout tourner franchois et relenquir le prinche.

Le roy, qui estoit plains de grant sens naturel, s'en dissimuloit. Ossy d'autre part il leur faisoit grant chière, mais pas à che cornraenchement ne les voUoit requellier , ne yauls ester de l'homage du prinche ; car il sentoit encorres les compaignes qui tout estoient Englès et Gascons , espars en son royalme, qui Jy pouroient porter trop grant damaige. Et son frère le duc de Berry et son cousin le conte d'Alenchon et le daulfin d'Auvergne et pluiseurs haulx barons de Franche [estoient] encores hostaigiers en Engleterre. Sy les volloit tous ravoir, et jà estoit revenus le duc de Bourbon et estoit quite de sa foy, et ossy Guis de Blois par l'acort du roy d'Engleterre ; et ossy estoit le conte Guis de Saint-Pol, mais chils n'avoit point congiet , mais le pape Urbain V l'avoit dispensé de sa foy, pour tant que le dit conte monstroit pluiseurs articles qu'il trouvoit en vérité pour luy en confondant les Englès. Sy demorèrent et vaquèrent ches choses ung grant tamps. Et fu le mariage fait à Paris de madame Ysabiel de Bourbon, seur au duc de Bourbon, et du signeur de Labreth, et tout che traita le conte d'Ermignac son oncle ; de quoy le prinche de Galles s'en tint mal content sur le sire de Labreth de che qu'il estoit sans son sceu alyés en Franche, et ossy sur le conte d'Erminac et sus chiaulx [qui] hantoient et fréquentoient le court de Franche, et en faisoit leur terres et leur pays et leurs gens tenir en plus grant subjection. Ensy se commença le guerre entre le prinche et ches seigneurs dessus nommés, mais toudis parsévéroit le dit prinche et volloit avoir che servaige.

Quant raessire Jehan Candos, qui fu très-loyaulx chevaliers, vey la manière de cheste ordenanche, afin qu'il ne fust demandés, [il] prist congiet au prinche de aller viseter