ET DES BARONS DE GASCOGNE

ses terres de Saint-Sauveur-le-Visconte en Constentin, et y ala et là se tint plus d'un an, et toudis procédoit le prinche par l'ennort de son consail en che servaige, et bien ly acordoient les pais que je vous nommeray : prumiers Poito, Saintonge, le Rocelle, Agenois, Roergue, Quersin, Limosin et tout Bourdelois, et volloient que le prinche l'euist cinq ans tant seulement, et par ensy il devoit tenir ses raonnoies fermes et estables sept ans. Et comraenchoient jà elles gens payer cascun feu demy florin, et se portoit le fort le foible. Ausy le prinche le volloit avoir eslevée sur les églises, mais chil respondoient qu'il estoient frans et exent de toutes sousides et que, se de forche les constraindoit, il en appelleroient en le court de Romme, siques le prinche, qui ne les volloit mies tenir en pais, que il ne paiaissent otantque les aultres, en estoit en grant mautalent sur ya'ulx, et eult consail de envoier à court de Rome devers le pape, ensy qu'il fist, et envoia monsigneur Guichart d'Angle, monsigneur Guillarae de Senis et maistre Jehan BrifFault,de le Rocelle, pour empêtrer ches servaiges et aultres choses qu'il avoient à besoigner, et firent chil dessus dit che voiage et vinrent à Romme, et se remonstrèrent au pape et firent leur suplication et en parlèrent au pape ; mais il le trouvèrent moult dur et rebelle à leur opinions. En che voiaige dessus dit faisant, les coses s'aprochèrent, syques le duc de Berry et le conte d'Alençon furent recreut ung an de revenir en Franche, et au chief de l'an retourneroient en Engleterre ; mais oncques depuis n'y râlèrent, car la guerre se renouvella entre Franchois et Englès, .sycomme vous orés recorder.

Ches seigneurs de Gascongne , le conte d'Erraignac , le sire de Labreth et ly aultres qui rebellé s'estoient à