DÉFAITE DU SÉNÉCHAL DE ROUERGUE
Guillarae le Mone, sênescal d'Aginois , et furent menés en prison en le chité d'Agen, et leurs maisnies retournèrent en Franche, qui raportèrent ces nouvelles qui donnèrent moult à penser au roj et son consail.
Ensy se commença prumièrement la guerre et la hayne entre le prinche et les dessus dis seigneurs de Gascongne , le conte d'Erminac, le sire de Labreth, le conte de Comminges et les aultres .
Assés tost après ceste avenue, le visconte de Quarraain, le sire de Labarde et messire Bertran de Taride firent une embusche devers Montalben sur le sênescal de Roergue raousigneur Thomas de Wellefare, qui chevauchoit sus le pais pour entendre as fortresches sus les frontières de Toulouse ; mais il fut si durement ij-encontré qu'il le convint fuir, aultrement il euist esté pris, et perdy une partie de ses gens. Toutesfois il entra en la cité de Montalben et se sauva.
Depuis commenchèrent à courir les ungs sur l'autre, les Englès sur les gens de ches seigneurs, et ches seigneurs sur les Englès, et toudis setenoient le conte d'Erminac et le sire de Labreth à Paris , qui tuitoient et consilloient le roy de Franche qu'il renouvelast la guerre as Englès pour embellir leur guerre, et remonstroient au roy, ensy que chil qui du tamps passet avoient sceut moult des consauls et secrès du prinche, que le prinches avoit toudis depuis le pais faite guerriet le royalme de Franche et envoiet et tenu compaignes, et que toutes les capitaines des compaignes estoient Englès ou Gascons et hommes du prinche.
Tant fu le roy de Franche infourmé et consillié des seigneurs dessus dis et des barons et prélas du royalme de
468 CHARLES V DÉFIE ÉDOUAUD 111.
Franche qui bien s'acordoient à leur opignion. Adont le roy Charles envoia lettres de deffianches au roy Édouart d'Engleterre,et ung varlet de cuisine breton les devoit porter en son péril, et en eult cent francs, et fist son messaige ; mais che ne fu jusques adont que [revinrent] le conte de Tancarville et messire Guillames de Dormans qui pour che tamps estoient envoies en Engleterre pour parler au roy d'Engleterre et à son conseil et remonstrer comment ils et son fils le prinche avoient maisement tenu le paix par pluiseurs articles. Adont se partirent et arivèreut à Boulongne. Adont fist le cuisinier son messaige au roy d'Engleterre, dont poés bien savoir que le roy d'Engleterre prist en grant despit de che que le roy de Franche l'avoit envoiet deffier par ung garchon, et dist que guerre de sy grans signeurs comme il estoient, devoit estre démenée par trèsnotables personnes et deffianches faittes par prélas du mains.
Toutesfois ches deffianches furent tenues à bonnes, et se renouvela tantost la guerre de tous lés, Sy fu le conte daufln d'Auvergne mis à finanche, et paia trente mille frans, et le conte de Poursien dix mille, et tout li aultres hostaigiers des chités et bonnes villes de Franche furent espars parmi Engleterre et tenus en diverses prisons. Sy furent moult tost envoiet hommes d'armes et archiers en la ville de Calais pour le garder, et sur les frontières ossy, à Ardre et à Ghines, et furent envoiet en le princhauté le conte de Cantbruges et le conte de Pennebourcq à IIIP lanches et IIII™ archiers, desquels le prinche eult grant joie, et fu romandes à Saint-Sauveur-le-Visconte messire Jehan Candos, liquels revint tantost au mandement du prinche en Gianne ; et, luy revenu, le prinche l'envoia en la ville de Montalben atout grant foison de gens d'armes pour la gar-
ARUFUENTS DES ANGLAIS. 469
der sur les frontières, Encores le prinche envoia lettres et messaigiers devers les cappitaines des compaignes (à chiauls desquels il pensoit à estre amés et servis), et chil s'en revinrent incontinent devers luy pour obéir à son commandement, tels que Naudons de Bagherant, le bourc de Bretuel, le Bourch Camus, le bourch de Lespare, Lamit, Espiote, Hanequin Franchois , messire Robert Brickès, Cressuelle , messire Robiers Ceur , messire Perducas de Labreth , messire Garsis de Castiel , messire Gaillart Vighier, Bernart de le Salle, Bernars de West, Hortigo et pluiseurs aultres.
Ossy toute celle saison le roy de Franche et le duc d'Ango ses frères avoient secrètement acquis par or et par argent des grans amis en ces compaignes, tels que Aimenion d'Ortigo, Pierre de Savoie, Jacques de Bray et pluiseurs aultres qui se départirent tout l'un de l'autre, et se tira chascun là où il avoit le plus chier, et se com.mencha la guerre forte et rade ens es marches de Poito , et y envoia le roy de Franche grant foison de gens d'armes dt; Bourgongne et d'Auvergne, et ossy grant foison de Bretons, desquels estoit capitaine messire Loys de Saint-Julien, messire Guillame des Bordes et Caruels.
En che tamps fu fais un secrès traitiés entre chiaulx d'Abbeville franchois, et y mirent ens monsigneur Hue de Castillon atout grant foison de gens de guerre, qui se saisirent de la ville et espésialement des Englès qui dedens se tenoient et qui le gouvernoient de par le roy d'Engieterre.
En che propre jour que Abbeville se rendy et tourna franchoise, le conte de Saint-Fol s'en vint au Pont-Rëray
