SUCCÈS DES FRANÇAIS DANS LE PONTHIEU

atout grant puissanche de gens d'armes, où il avoit Englès en garnison. Sy furent assalis, et làfu fais chevaliermessire Wallerant de Ligny, aysné fils audit conte. Là eult grant hustin et dur, et se tinrent les dis Englès che que il peurent ; mais finablement il le perdirent, et furent tout mors ou pris , et la plache prise.

Après chevaucha le conte de Saint-Pol par tout le pais de Pontieu,et fist tourner franchoises villes et chastieaus, et partout mist gens d'armes en garnison.

En che tamps se départirent de Bourdiaulx-sur-Géronde, au commandement du prinche, Aimmenions de Cantebruge ses frères et le conte Jehan de Pennebourch et plus de III'^ combatans, et chevauchèrent tant qu'il entrèrent en le conté de Pierregorth et le coururent et ardirent et pillèrent, et n'y laissèrent riens horsmis les for tresses, et puis s'en vinrent mettre le siège devant Bourdille , où il y avoit une moult belle et forte garnison , de laquelle estoient capitaines deus escuiers frères. Gascons, qui s'appelloient Ernauldon et Bernadet Batefol, qui vaillaument se tinrent ung grant tamps contre les dessus dis.

En che tamps , retourna messire Guichart d'Angle en Acquitaine , qui estoit passé parmy Franche , Roergue et Limosin en grant doubte en abit d'un capellain ; et messire Guillame de Senis, ses compains, ne s'osa mettre en l'aventure du rapasser, mais se bouta en l'abéie de Clugny, et là fu plus de cinq ans.

Quant messire Guichart d'Angle, qui estoit marissaulx de Gianne, fu venus en Angolesme devers le prinche, on ly fist moult grant chière. Sy ordena tantost le prinche messire Guichart d'Angle, messire Lois de Harcourt et le captai de Beus atout grant foison de gens d'armes et d'ar-