COMBATS EN AQUITAINE

chiers et de gens de compaigne de aller à Montalben devers monsigneur Jehan Candos et là faire guerre sur les frontières ; car les compaignes et le visconte de Quarraain et \y aultres y estoient moult fors.

En che tamps estoit nouvellement revenus devers le prinche messire Hues de Cavrelëe des marches d'Arragon et d'Espaigne. Sy ly cherga le prinche toutes les compaignes, et furent bien M. combatans, et les envoia ens es terres du conte d'Erminac et du sire de Labreth, lequel y fist grant exil d'ardoir et de pouverir le païs et de rainchonner villes et chastieaulx, et demeuroient ou plain païs.

En che tamps ly Bretons et les Bourguignons, desquels estoient capitaines messire Jehan de Buel , messire Lois de Saint-Julien, messire Guillames des Bordes (et estoient bien XV'') , rencontrèrent une route d'Englès entre Mirabiel et Luzegnen, et là sus une des routes cauchies ot grant hustin , desquels Englès estoient capitaine messire Simons de Burlé et messire d'Aghorisses, Chil doy chevalier de l'hostel du prinche se combatirent , et leur gens , moult vaillaument ; mes finablement il ne peurent soustenir, ne porter TefFort des Franchois , et furent les deux chevaliers pris, et toutes leurs gens mors ou pris. Petit s'en sauvèrent. De la prise fut le prinche de Galles moult courouchiés.

Or vous parlerons de chiaulx qui se tenoient à Montalben , et estoient bien XIP lanches et III™ combatans parmy les archiers. Sy regardèrent que il perdoient là leur tamps et que il estoient gens assés pour faire ung grant fait là où il vouroient aller. Et avisèrent qu'il venroient mettre le siège devant la ville de Terrières en Toulousain. Sy se ordonnèrent selonc che et se partirent de Montalben en grant arroy et chevauchèrent tant qu'il vinrent devant le ville de Terrières, et y mirent le siège, et avoient avec eulx amené mineurs lesquels il mirent tantost en euvre et