NOMBREUX COMBATS

entrèrent en leur misnes et n'y séjournèrent que quinze jours , quant la ville fu prinse par misne et conquise. Sy furent mors tout clieulx qui dedens estoient , et la ville pillie et arse , et puis s'en partirent. A leur département , il avoient avisé de prendre une autre ville.

D'autre part, le duc d'Ango se tenoit pour che tamps en Thoulouse, et avoit grant foison de gens d'armes mis sus tant que il estoit bien XII'" , que uns , que aultres , et estoit tournés franchois messire Perducas de Labreth. Sy enterèrcnt ches gens d'armes et ches compaignes en Quersin, et y firent moult de maulx do rober et d'ardoir et de rainchonner villes et castieaulx et povre gens sur le païs.

D'aultre part estoient en Roergue le duc de Berry, le sire de Bieaugeu et tout ly barons et chevaliers d'Auvergne et des marches voisines, et y faisoient moult grant guerre.

En le route et compaigne du conte de Comminges , du conte de Quarmaing, du vis^onte de Thalar, du visconte de Bruniquel , du conte de Laiiie et de ches gens d'armes se mist l'archevesque de Toulouse qui estoit grans clerc , et chevaucha devers la chité de Caours, dont ses frères estoit évesques, Sy entra en la cité et prescha tellement la querelle du roy de Franche , que chil de Caours se tournèrent franchois , et fist en che volage tourner plus de quarante , que villes , que chités , que fortresses , qui tout devinrent bon Franchois , et vinrent les Franchois devant Royauville en Quersin et l'aségèrent , et estoient plus de XIl*" combatans parmy les compaignes. A deusj journées près d'iaulx se tenoient les gens du duc de Rerry, messire Jehan d'Erminach , messire Jehan de Villemur, le sire de Bieaugieu , le sire de Calencon , messire Jehan de Boullongne , messire de Sailly , messire Robert de Sansoire , marisal de Franche , ou lieu de messire