LE DUC DE BOURGOGNE ÉPOUSE MARGUERITE DE FLANDRE
vinrent en la cité de Poitiers, et firent là leur assamblées, et furent plus de M. lanches et fort assés pour tenir les camps et corabatre les Franehois, se les trouvoient.
En che tamps estoit grant sênescal de Poitiers messire Jaques d'Audelée, qui fu uns des chiefs, avecque monsigneur Guichart, de cheste armée. Sy se partirent les gens du prinche de Poitiers, et vinrent à Chauvegni et Tardirent et exillèrent et toutes les terres dudit signeur. Et vinrent devant Bruesse. Sy le trouvèrent bien réparée et garnie de Bretons, que le visconte y avoit laissiet et establis. Alors ly Poitevins et les Englès l'asallirent ung jour jusques au soir moult asprement, et ne le pourent avoir. A l'endemain, il retournèrent à l'assault, et fu en che jour prise de forche, et les gens du conte mors ou pris, et en yeult XVI pendus en leur harnast, pour tant que il estoient traites envers leur signeur le prinche. Sy fu ladite ville de Bruesse tout pillie et arse et gastée. Che fait , il s'en retournèrent en la chité de Poitiers.
En che tamps et en cel esté fu le mariage fait et acordés de le fille au conte Loys de Flandres (qui devoit avoir raonsigneur Aimon, le fils du roy d'Engleterre , mais le pape Urbain V'' ne les volt oncques dispenser) au duc Phelippe de Bourgogne, frère raaisné au roy Charles de France ; mais, anchois que il fut fait, ne acordés, le conte Lois de Flandres s'en fist moult prier, et demorèrent Lille et Douay et les apendanches à l'iretaige de Flandres, ensy que anchiennement avoient esté. Ly aucuns dient et proposent que le roy de Franche les bailla en gaige ; mais il me samble que le conte les tint pour son hirtaige. Sy furent les noches faites en la ville de Gand, et y eult moult grant feste et grant seigneurie et mainte dames.
SUITE DE LA GUERRE SUR LES FRONTIÈRES d'aQUITAINE. 47B
, Or retournerons as besoignes des lontaignes marches et as guerres qui y estoient. Celle saison fut moult callereuse. Vray est que en Roergue et en Quersin les gens du duc d'Ango tenoient les camps ; et après le prise et le siège de Royauville, les compaignes s'estoient venu reposer pour yaulx rafresquir en la chité de Caours.
En che tamps issy de Bretaigne messire Robert Canolle, et fist ses prouvéances sur mer, et vint ariver à Conke à LX hommes d'armes et C archiers, en ystanche que pour venir en Gianue aidier et conforter le prinche. Sy fist tant le dit messire Robert par ses journées qu'il vint en Angolesme devers le prinche, qui le rechut à grant joie et qui ly sceut grant gré de sa venue, et se conplayndy le prinche à luy des tours que ses subgès ly faisoient. Messire Robert luy remonstra que il estoit là venus pour luy servir, dont le prinche le remerchia pluiseurs fois. Au cinquième jour que fu là venus en Angolesme, le prinche l'ordonna de aller devers Montalben, et le fist maistre de tous les chevaliers et escuiers de son ostel. Adont se party le dit messire Robert atout grant foison de bonnes gens d'armes, et chevauchèrent devers la chité d'Agen, et firent [tant] que il y vinrent, et se tinrent là tant qu'il eurent apris la conduite des Franchois. Entreuîs qu'il séjournoient en la chité d'Agen, messire Robert entendy que messire Perducas de Labreth, ung grant capitaine des compaignes, estoit tournés franchois par le pourcach du duc d'Ango. Sy envoia prestement ledit messire Robert hiraulx et messaigiers devers luy, et fist tant que sur aseuranche il vint parler à luy sur les camps. Quant il fut venus, messire Robert ly blasma moult che qu'il avoit fait, et dist que il estoit descheu, quant il avoit relenquy son naturel seigneur
