SUITE DK LA GUERRE
le prinche, qui tant l'avoit amet et chevanchiet et aydiet à faire tel qu'il estoit. Toutesfois, se il se volloit retraire, il ly feroit se pais partout. Tantfu prechiés messirePerducas qu'il se retourna englès, et fîst retourner toutes ses gens, dont il avoît bien IIIc, et pour l'amour de luy s'en retournèrent plus de Iir. Sy se mirent et se boutèrent tout en le compaigne de Robert Canolle.
Ches nouvelles vinrent as aultres compaignons qui se tenoient en la chité de Caours. Aimenion d'Ortingo, Pierot de Savoie, Jaques de Bray et Ernaudon de Pons seurent que messire Perducas estoit tournés, et plus de Y" combatans pour l'amour de luy. Si en furent moult courouchiés et esbahis ; car il le tenoient pour le milleur homme d'armes et le milleur capitaine des leurs. Et entendirent encore que les Englès estoient durement fors. Sy se consillèrent entre yauls comment il se maintenroient, et regardèrent que la chité n'estoit point forte pour yauls tenir à le longue contre telle puissanche que messire Robert Canolle tenoit. Sy avisèrent qu'il se trairoient à Durviel, une prioré en Quersin, qui est moult forte et de petite garde. Sy se partirent de Caours, et recommandèrent la cité à l'évesque du lieu et as bourgois de la ville, et leur laissèrent environ C lanches pour aidier à consillier cheulx de la ville, et se retrairent tout dedens Durviel, et y firent amener et aquarier moult de pourvéanche , et réparèrent moult bien chedit lieu.
Les nouvelles vinrent à messire Robert Canolle et à messire Thomas de Felleton , qui estoient ensamble à Agen, que les capitaines des compaignes s'estoient partis de Caours et trait à Durviel. Sy furent moult joieulx et disrent qu'il yroient là mettre le siège, ensy qu'il firent. Si trestost que messire Jehan Candos et le captai de Beus entendirent ces nouvelles , il se partirent de Montalben et laissèrent
SLR LKS FRONTIÈRES d'aQUITAINE. 477
la ville en la garde du soudich de Lestrade et de monseigneur Petiton de Courton , et s'en vinrent avecques leurs gens devant Durviel et y misrent le siège.
Le siège durant devant Durviel , il eult fait pluiseurs escarmuches et de bieau fais d'armes de cheulx de dedens et de dehors, et presque tout les jours en y avoit ; car estoient dehors et dedens toutes bonnes gens d'armes. • Pour che se escarmuchoient plus souvent , et fu là le siég3 moult grant tamps, et y eult fais pluiseurs assaulx ; mais riens n'y conquirent les Englès. Sy vous dy que ly Englès ne séjournèrent point à leur ayse; mais avoient grant faulte de vivres et espésyalment de pain , et y mengoit bien ung homme pour ung deray florin de pain le jour. Encore moult souvent n'en povoient-il trouver. Sy eulrent consail qu'il escriproient leur estât au prinche, pour savoir quelle chose volloit que il fesissent. Sy rescriprent lettres et sellèrent et dirent de bouche au hirault qui feroit che messaige, che que il devoit dire et parler au prinche , et ledit hirau se party à l'ordonnanche de ses seigneurs et chevaucha vers Angolesrae.
En che terme Jehan Candos et messire Robert Canolle et ly aultres seigneurs eurent consail de yauls deslogier de Durviel , car riens n'y proufîtoient , et de yauls retraire deviers Dôme, ensy qu'il firent. De la ville de Dôme estoient gouverneur messire Robiert de Dôme et messire Pierres Senglers. Chil atendirent franquement les Englès et les Gascons d'un costé, et les tinrent à siège devant yaulx quinze jours , que riens n'y firent. Dont eulrent consail de deslogier et de aller avant en plus cras pais ; et s'en vinrent devant Gramach , que les compaignes avoient fait tourner franchois , mais les Engîès n'y furent que trois jours à siège, quant il se retournèrent englès. Et puis vinrent devant Fours, qui se retourna aussy , et puis vinrent devant
